काठमाडौं । नवौं संस्करणको टी-२० विश्वकप क्रिकेट आइतबारबाट सुरु हुदैछ । यस संस्करणको टी-२० विश्वकप अमेरिका र वेस्ट इन्डिजमा संयुक्त रुपमा आयोजना हुदैछ ।
विश्वकपको पहिलो खेलमा समूह ए मा रहेका क्यानडा र आयोजक अमेरिकाबीचको खेल नेपाली समय अनुसार आइतबार बिहान सवा छमा अमेरिकाको डालसमा रहेको ग्रान्ड प्रेरी स्टेडियममा हुदैछ । अमेरिका र क्यानडा दुवैले पहिलो पटक टी-२० विश्वकपमा स्थान बनाएकाले यो खेल दुवै राष्ट्रका लागि ऐतिहासिक रहेको छ ।
क्यानडाले एकदिवसीय क्रिकेट विश्वकपमा चार पटक सहभागीता जनाईसकेको भए पनि टी-२० विश्वकपमा भने पहिलो पटक सहभागी हुन लागेको हो । अमेरिकाले भने क्रिकेटको विश्वकप स्तरको प्रतियोगितामा पहिलो पटक सहभागीता जनाउन लागेको हो ।
अमेरिका आयोजक राष्ट्रको रुपमा यस विश्वकपका लागि सिधै छनोट भएको हो । उता, क्यानडा भने अमेरिका महादेश छनोटबाट विश्वकपमा स्थान बनाएको हो ।
नवौं संस्करणको यस विश्वकपमा पहिलो पहिलो पटक २० राष्ट्रको सहभागीता रहेको छ । सहभागी २० राष्ट्रलाई चार समूहमा विभाजन गरिएको छ । समूह ए मा क्यानडा र अमेरिकाका अलावा भारत, पाकिस्तान र आयरल्यान्ड तथा समूह बी मा अस्ट्रेलिया,इंग्ल्यान्ड,स्कटल्
हरेक समूहका शीर्ष दुई टोलीले सुपर आठमा स्थान बनाउने छन् । सुपर आठमा पनि दुई समूह हुनेछ । यसका हरेक समूहका शीर्ष दुई टोलीले सेमिफाइनलमा स्थान बनाउँने छन् । सेमिफाइनलका विजेता टोलीले फाइनलमा स्थान बनाउँदा फाइनलमा विजयी बन्ने टोलीले यस संस्करणको उपाधी जित्नेछ ।
यि दुईबीचमा भएको पछिल्लो पाँच टी-२० आई खेलमा चार पटक अमेरिका विजयी हुँदा एक खेल वर्षाका कारण रद्ध भएको थियो ।
विश्वकपमा नेपालको पहिलो खेल भने नेदरल्यान्ड्सविरुद्ध ४ जुन अर्थात जेठ २२ मा रहेको छ ।
