नेपालसँग सिरिज खेल्न युएईको टोली घोषणा, नबिदले कप्तानी गर्ने

यही जनवरी २५ देखि सुरु हुने नेपाल विरुद्धको सिरिजका लागि युएईले टोली घोषणा गरेको छ।

नियमित कप्तान रोहन मुस्ताफा प्रतिवन्धमा रहेका कारण युएईको कप्तानी फास्ट बलर मोहम्मद नबिदले गर्ने भएका छन्। नबिदले नेपाली घरेलु क्रिकेटमा पोखरा प्रिमियर लिग र एभरेस्ट प्रिमियर लिगमा खेलीसकेका छन्।

इमर्जिंग कप प्रतियोगिता दौरान आयोजकसंग असन्तुष्टी जनाएर सामाजिक संजालमा लेखेका कारण मुस्ताफासहित तीन खेलाडीलाई आठ साताको युएई क्रिकेट बोर्डले प्रतिबन्ध लगाएको छ।

सिरीज जनवरी २५ देखि फेब्रुअरी ३ सम्म हुनेछ। जसमा कूल छ खेल खेलिनेछ। ३ खेलको ओडिआई र ३ खेलको टी-२० इन्टरनेशनल सिरिज हुनेछ।

युएईको टोली:

मोहम्मद नाभिद (कप्तान) मोहमद उस्मान (उप-कप्तान), अस्फाक अहमद, चिराग सुरी, साइमन अनवर, मोहम्मद बुता, घुलाम शाबर, इमरान हैदर, ताहिर गुघद, अमिर हायत, जाहुर खान, क्वादिर अहमद, फहद नवाज, खब्दुर शाकुर, सुल्तान अहमद, सीपी रिजवान

युएई सिरिजको तालिका

युएई सिरिज अन्तर्गत नेपालले जनवरी २५ तारिकमा पहिलो, जनवरी २६ मा दोश्रो तथा जनवरी २८ तारिकमा तेश्रो एकदिवसीय अन्तर्राष्ट्रिय खेल्नेछ। एकदिवसीय खेलहरु पछि जनवरी ३१ तारिकमा पहिलो टि-२० अन्तर्राष्ट्रिय तथा फेब्रुअरी १ मा दोश्रो र फेब्रुअरी ३ मा तेश्रो टि-२० अन्तर्राष्ट्रिय खेल्ने तालिका रहेको छ। सबै खेलहरु दुबईमा खेलिनेछ।

जनवरी २५ – पहिलो एकदिवसीय , जनवरी २६ – दोश्रो एकदिवसीय , जनवरी २८ – तेश्रो एकदिवसीय
जनवरी ३१ – पहिलो टि-२० , फेब्रुअरी १ – दोश्रो टि-२० , फेब्रुअरी ३ – तेश्रो टि-२०

नेपालले पनि प्रतियोगिताको लागि २० सदस्यीय प्रारम्भिक टीमको घोषणा गरिसकेको छ ।

२० सदस्यीय टिम :- पारस खड्का ( कप्तान ) , अविनाश बोहारा , बसन्त रेग्मी, भिम शार्की, बिक्रम सोब , बिनोद भण्डारी, दिपेन्द्र ऐरि, ज्ञानेन्द्र मल्ल, करण केसी, ललित भण्डारी , ललित राजबंशी , आरिफ शेख, पवन सर्राफ, प्रदिप ऐरि , रोहित पौडेल, सन्दिप लामिछाने, शरद भेसावकर , सोमपाल कामि , सन्दिप जोरा , सुशन भारी

सिरिजको लागि नेपाली टिमले बुधबार देखि तयारी थालीसकेको छ। सिरिजको दौरान नेपाली टिमलाई भारतीय ब्याटिंग कन्सल्टेन्ट उमेश पटवालले प्रशिक्षण गर्नेछन्। पटवाल बिहिबार नेपाल आएका छन्।

नेपालले २०१८ मार्चमा एकदिवसीय मान्यता पाएपछि नेपालले अगस्टमा नेदरल्याण्डसंग २ वटा एकदिवसीय अन्तर्राष्ट्रिय खेलेको थियो। २ मध्ये नेपालले पहिलो एकदिवसीयमा हार बेहोर्दा दोश्रोमा भने १ रनको जित हाँसिल गरेको थियो।





थप समाचार

गल्फद्वारा दीपेन्द्रलाई रिटेन

काठमाडौं । युएईमा आयोजना हुने अन्तराष्ट्रिय टी-२० लिग क्रिकेट लिगमा गल्फ जायन्ट्सले नेपालका दीपेन्द्रसिंह ऐरीलाई आगामी संस्करणका लागि रिटेन गरेको […]

दीपेन्द्र अहिलेसम्मकै उच्च वरियतामा

काठमाडौं । नेपाली राष्ट्रिय क्रिकेट टोलीका अलराउन्डर दीपेन्द्रसिंह ऐरीले वरियतामा छलाङ मारेका छन् । अन्तराष्ट्रिय क्रिकेट परिषद (आइसीसी)ले जारी गरेको […]

टी-२० विश्वकप : सुपर एटका खेल आजबाट

काठमाडौं । नवौं संस्करणको टी-२० विश्वकपको दोस्रो चरण (सुपर एट) का खेलहरु आज (बुधबबार) बाट सुरु हुदैछ । सुपर एटको […]

रोहितसँग झगडा गरेका तन्जिममाथि आइसीसीको कारबाही

काठमाडौं । बंगलादेशका तीव्र गतिका बलर तान्जिम हसन शाकिबमाथि अन्तराष्ट्रिय क्रिकेट परिषद (आइसीसी) ले कारबाही गरेको छ । आइसीसीले आइतबार […]

तथ्याकंमा नेपालको विश्वकप यात्रा..

काठमाडौं । नेपालले सन् २०१४ पछि दश वर्षको अन्तरालमा सन् २०२४ मा वेस्ट इन्डिज र अमेरिकामा जारी टी-२० विश्वकपमा सहभागीता […]

अफगानिस्तानमाथि वेस्ट इन्डिजको सानदार जित

काठमाडौं । वेस्ट इन्डिजले घरेलु भुमी तथा अमेरिकामा जारी नवौं संस्करणको टी-२० विश्वकपको समूह चरणको अन्तिम खेलमा अफगानिस्तानमाथि सानदार जित […]