एनसीसीएस उपत्यकाव्यापी क्रिकेट : सीएसीको विजयी सुरुआत

काठमाडौं । एनसीसीएस उपत्यकाव्यापी महिला तथा पुरुष टी-२० क्रिकेट प्रतियोगिता आजबाट सुरु भएको छ ।

पहिलो दिन भएको पुरुषतर्फको खेलमा सीएसी भक्तपुर विजयी हुँदा महिला तर्फको खेल भने वर्षाका कारण रद्ध भएको छ ।

सीएसी भक्तपुरले पहिलो जित दर्ता गर्ने क्रममा ओएसीस क्रिकेट एकेडेमीलाई ८ विकेटले पराजित गर्यो ।

पहिले ब्याटिङ गरेको ओएसीसले २० ओभरमा ९ विकेट गुमाएर ९७ रन बनाएको थियो ।

ओएसीसका लागि आषिह भट्टराईले ६० बलमा ५० तथा निश्चल श्रेष्ठले १३ बलमा १२ रन बनाए ।

सीएसीका लागि प्लेयर अफ द म्याच भएका अभिनाश बस्यालले ३ तथा भुपेन्द्र चन्द र स्वरुप श्रेष्ठले समान २/२ विकेट लिए ।

९८ रनको लक्ष्य सीएसी भक्तपुरले १३.२ ओभरमा २ विकेट गुमाएर पूरा गर्यो ।

सीएसीका लागि रोशन साउदले ३० बलमा अविजित २७ तथा विपिन आचार्यले १४ बलमा २६ रन बनाए

ओएसीसका लागि समर्पण अधिकारी र शंकर रानाले समान १/१ विकेट लिए ।

आजै भएको महिला तर्फको काठमाडौं जिल्ला तथा भक्तपुर जिल्लाबीचको खेल भने वर्षाका कारण पूरा हुन सकेन ।

वर्षाका कारण दोस्रो ईनिङको खेल हुन सकेको थिएन ।

पहिले ब्याटिङ गरेको काठमाडौंले २० ओभरमा ७ विकेट गुमाएर १ सय रन बनाएको थियो ।

काठमाडौंका लागि अस्मिता खरेल ले २६ बलमा १७ तथा कन्चन श्रेष्ठले २२ बलमा १३ रन बनाईन् ।

भक्तपुरका लागि अनुसा रोक्काले ४ तथा स्वेक्षा खड्का र पूजा साउदले समान १/१ विकेट लिईन् ।

प्रतियोगिता भक्तपुर जिल्ला क्रिकेट संघको आयोजनामा १९ गतेसम्म जारी रहने छ । प्रतियोगितामा पुरुषतर्फ ६ र महिलातर्फ तीन टोलीको सहभागिता रहनेछ।

पुरुषतर्फ भक्तपुर क्रिकेट सेन्टर, भक्तपुर क्रिकेट एक्सिलेन्ट सेन्टर, बल पार्क स्पोर्टस इभेन्ट एन्ड एकेडेमी ललितपुर, ग्रेट हिमालयन क्रिकेट एकेडेमी ललितपुर, क्रिकेट एक्ससिलेन्ट सेन्टर काठमाडौं र ओसिस क्रिकेट एकेडेमी काठमाडौं सहभागी हुनेछन् ।

पुरुषतर्फका सहभागी टोलीलाई दुई समूहमा विभाजन गरिएको आयोजकले जनाएको छ ।

यसैगरी महिलातर्फ काठमाडौं, ललितपुर र भक्तपुर जिल्ला क्रिकेट संघको सहभागिता रहनेछ ।

प्रतियोगिताको सम्पूर्ण खेलहरु मुलपानी क्रिकेट मैदानमा हुनेछ। महिला र पुरुष दुवैतर्फका विजेताले २५ हजार र उपविजेताले १५ हजार रुपैयाँ प्राप्त गर्नेछन्।





थप समाचार

दीपेन्द्र अहिलेसम्मकै उच्च वरियतामा

काठमाडौं । नेपाली राष्ट्रिय क्रिकेट टोलीका अलराउन्डर दीपेन्द्रसिंह ऐरीले वरियतामा छलाङ मारेका छन् । अन्तराष्ट्रिय क्रिकेट परिषद (आइसीसी)ले जारी गरेको […]

टी-२० विश्वकप : सुपर एटका खेल आजबाट

काठमाडौं । नवौं संस्करणको टी-२० विश्वकपको दोस्रो चरण (सुपर एट) का खेलहरु आज (बुधबबार) बाट सुरु हुदैछ । सुपर एटको […]

रोहितसँग झगडा गरेका तन्जिममाथि आइसीसीको कारबाही

काठमाडौं । बंगलादेशका तीव्र गतिका बलर तान्जिम हसन शाकिबमाथि अन्तराष्ट्रिय क्रिकेट परिषद (आइसीसी) ले कारबाही गरेको छ । आइसीसीले आइतबार […]

तथ्याकंमा नेपालको विश्वकप यात्रा..

काठमाडौं । नेपालले सन् २०१४ पछि दश वर्षको अन्तरालमा सन् २०२४ मा वेस्ट इन्डिज र अमेरिकामा जारी टी-२० विश्वकपमा सहभागीता […]

अफगानिस्तानमाथि वेस्ट इन्डिजको सानदार जित

काठमाडौं । वेस्ट इन्डिजले घरेलु भुमी तथा अमेरिकामा जारी नवौं संस्करणको टी-२० विश्वकपको समूह चरणको अन्तिम खेलमा अफगानिस्तानमाथि सानदार जित […]

वेस्ट इन्डिजले अफगानिस्तानलाई दियो २१९ रनको लक्ष्य

काठमाडौं । वेस्ट इन्डिजले घरेलु भुमी तथा अमेरिकामा जारी नवौं संस्करणको टी-२० विश्वकपको समूह चरणको अन्तिम खेलमा अफगानिस्तानलाई जितका लागि […]