भारत र चिनको बीच बढीरहेको राजनीतिक तनाव बीच चिनिया मोबाइल कम्पनि भिभो ( VIVO ) ले यो वर्ष इन्डियन प्रिमियर लिग टि-२० ( IPL ) को ‘टाइटल स्पन्सरसिप’ बाट हात झिक्ने पक्का भएको भारतीय मिडियाहरुले दावी गरेका छन्।
भारतीय मिडियाहरुका अनुसार हाल भारतीय क्रिकेट बोर्ड ( बिसीसीआई ) र भिभो बीच आपसी सहमतिमा अलग हुने विषयमा कुराकानी चलीरहेको छ।
चिनियाँ कम्पनिसंग मुख्य प्रयोजन सम्झौता तोड्नको लागि भारतीय क्रिकेट बोर्डलाई ठुलो दवाव रहेको थियो। भारत र चिन बीच सिमा तनावको क्रममा गलवान उपत्यकामा २० जना भारतीय सैनिकहरु मारिएपछि भारतमा चिनिया सामग्रीहरु बहिस्कार गर्ने लहर चलीरहेको छ। यस कारण बिसीसीआईलाई भिभोसंगको करार रद्द गर्न दबाब रहेको थियो। भारतले ६० वटा चिनिया मोबाइल याप समेत प्रतिवन्ध गरेको थियो।
भिभोले सन् २०१७ मा २,१९९ करोड भारतीय रुपैयाँमा आईपीएलको प्रायोजन सम्झौता हाँसिल गरेको थियो। ५ वर्षे सम्झौताको हरेक सिजनमा उसले आईपीएललाई ४४० करोड रुपैयाँ दिने सम्झौता भएको थियो।
यो बताईएको छ कि यो वर्ष सम्झौता स्थगित गरेर आगामी २०२१ मा सम्बन्ध सुधार भएको खण्डमा २०२१ देखि २०२३ सम्मको लागि पुनः ३ वर्षको अनुबन्ध गर्न सकिनेछ।
आईपीएलले यसै साता आइतबार आईपीएलको सबै प्रायोजक कायम रहने बताएको थियो। भिभोले हात झिक्ने भएपछि भारतीय क्रिकेट बोर्ड १ वर्षको लागि अर्को प्रायोजक खोज्न छलफल गरिरहेको बताईएको छ। तथापी छोटो समयमा ठुलो रकम दिने प्रायोजक पाउन बिसीसीआईलाई मुस्किल हुने छ किनकि प्रतियोगिता विदेशी भूमिमा आयोजना हुनेछ भने स्टेडियममा दर्शक हुनेछैनन्।
आईपीएल १९ सेप्टेम्बर देखि १० नोभेम्बरसम्म युएईमा संचालन हुनेछ।
धेरैले पढेको :-
सन्दिप १४ दिने क्वारेन्टिनमा, पिसीआर परिक्षण नतिजा पछि सिपिएल खेल्न पाइने
अविनाश बोहराको ४ उत्कृस्ट बलिंग प्रदर्शन
