पाकिस्तान क्रिकेट टिमका पूर्व कप्तान वासिम आक्रमले टि-२० विश्वकप २०२१ मा भारतको कमजोर प्रदर्शनको कारण सिमित ओभर क्रिकेटलाई वेवास्ता गर्नु बताएका छन्। महान पूर्व फास्ट बलर आक्रमले भारतले अन्तिम पटक मार्चमा इंग्ल्यान्डमा सिमित ओभर अन्तर्राष्ट्रिय खेलेको तथ्य समेत उजागर गरेका छन्। भर्खरै आईपीएल खेलेता पनि अन्तर्राष्ट्रिय क्रिकेटको स्तर बराबर लिगको खेल नहुने उनको भनाई छ।
“भारतले अन्तिम पटक सबै सिनियर खेलाडीहरुलाई लिएर मार्चमा सिमित ओभर अन्तर्राष्ट्रिय सिरिज खेलेको थियो। अहिले हामि नोभेम्बरमा छौँ। त्यसले देखाउछ कि उनीहरु सिमित ओभर अन्तर्राष्ट्रियलाई कति कम महत्व दिन्छन्। उनीहरु सोच्छन् कि आईपीएल खेल्नु पर्याप्त छ। तपाईले जतिनै लिग क्रिकेट खेलेता पनि लिग क्रिकेट खेल्दा तपाईले एक-दुईवटा मात्र राम्रो बलर बिपक्षी टिममा पाउनुहुन्छ। अन्तर्राष्ट्रिय क्रिकेटमा तपाई राम्रो ५ जना बलरको सामना गर्नुहुन्छ।” अक्रमले ए स्पोर्ट्ससंग कुराकानीमा बताए।
भारतले जुलाई अन्तिममा श्रीलंकासंग एकदिवसीय र टि-२० सिरिज खेलेता पनि उक्त टिममा युवा खेलाडी मात्र भएको र सिनियर खेलाडी इंग्ल्यान्ड टुरमा टेस्ट खेलीरहेको बताए। न्युजिल्यान्डसंग आइतबार ८ विकेटले पराजित भएपछि सेमीफाइनल सम्भावना कमजोर भएको भारतले खेलमा टस हार्नु र त्यसपछि रोहित शर्मालाई तेश्रो नम्बरमा ब्याटिंग गराउने निर्णय माथि अक्रमले प्रश्न चिन्ह खडा गरे।
“त्यो एकतर्फी खेल थियो। भारतले धेरै गल्ति गर्यो। टस हारेपछि उनीहरु मानसिक रुपमा कमजोर भए जस्तो लग्यो। त्यसपछि ‘गर या मर’ को खेलमा उनीहरुले रोहित शर्मालाई ३ नम्बरमा पठाए। जुन खेलाडीसंग टि-२० अन्तर्राष्ट्रियमा ओपनरको रुपमा ४ वटा शतक छ। उनीहरुले इशान किशनलाई तेश्रो नम्बरमा पठाउनु पर्थ्यो। त्यही बेला देखि उनीहरुको खराब समय सुरु भयो।” आक्रमले औल्याए।
यो पनि पढ्नुस : न्युजिल्यान्ड कप्तान विलियमसनको तारिफ गर्दै सचिनले बताए भारतको हारको कारण
