- विकेटनेपाल, १३ फागुन
पाकिस्तान सुपर लिग अन्तर्गत शनिबार राति सम्पन्न २ वटा खेलमा क्वेटा ग्ल्याडीएटर्स र पेशावर जाल्मीले पहिलो जित हात पारेका छन्।
पहिलो खेल – पेशावर Vs इश्लामाबाद
टस हारेर ब्याटिंग गरेको पेशावरले २० ओभरमा ६ विकेट गुमाएर १७६ रन बनायो। कामरान अकमलले ५३ रन ( ३२ बल, ७ चौका, ३ छक्का ) बनाए भने तामिम इकबाल ( ३९ रन , २ चौका, २ छक्का ) तथा ड्वेन स्मिथ र मोहम्मद हफिजले समान ३०/३० रन योगदान दिए। पहिलो विकेटको लागि अकमल र इकबालले ६९ रनको तथा दोश्रो विकेटको लागि इकबाल र स्मिथले ५२ रनको साझेदारी गरे।
जवाफमा १७७ रनको लक्ष्य पछ्याउने क्रममा इश्लामाबादले ९ विकेट गुमाएर १४२ रन मात्रै बनाउन सक्यो। फाहिम अशरफले अविजित ५४ रन ( ६ चौका, २ छक्का ) प्रहार गरेपनि जितको लागि पर्याप्त हुन सकेन। प्लेयर अफ द म्याच चुनिएका पेशावरका बलर उमेद आसिफले ४ विकेट हात पार्न ४ ओभरमा मात्र २३ रन खर्चिए।
दोश्रो खेल – लाहोर कलन्दर्स Vs क्वेट्टा ग्ल्याडीएटर्स
टस जितेर पहिले फिल्डिंग रोजेको क्वेट्टाले लाहोरको इनिंग ११९/९ मै समेट्यो। जोफ्रा आर्चरले सर्वाधिक ३ विकेट तथा मोहम्मद नवाजले २ विकेट हात पारे। लाहोरको लागि ओपनर ब्रेण्डन म्याककुलमले स्सर्वाधिक ३० तथा सुनिल नारिनले २८ रन योगदान दिए।
१२० रनको लक्ष क्वेट्टाले मात्र १ विकेट गुमाई १४ ओभरमै पुरा गर्यो। ओपनर असद शफिकले अविजित ३८ रन ( ३ छक्का, १ चौका ) तथा आक्रामक इनिंग खेल्ने क्रममा शेन वाटसनले ४२ बलमा ५ चौका र ५ छक्का मदतले ६६ रन बनाए।
४ ओभरमा मात्र ४ रन दिएर २ विकेट लिएका मोहम्मद नवाज प्लेयर अफ द म्याच चुनिए।
