काठमडौं । सन् २०२६ मा भारत र श्रीलंकामा संयुक्त रुपमा आयोजना हुने टि२० विश्वकपका एसिया तथा पुर्वि एसिया प्यासेफिक क्षेत्रीय छनोट आगामी साताबाट ओमानमा आयोजना हुदैछ
।
यसै छनोटको शीर्ष तीनमा अटाउन सकेमा नेपाल लगातार दोस्रो पटक विश्वकपका लागि छनोट हुनेछ । छनोटमा ९ राष्ट्रको सहभागीता रहनेछ । सहभागी राष्ट्रहरुलाई तीन समूहमा विभाजन गरिएको छ । नेपाल समूह ‘बी’ मा रहेको छ ।
नेपालको समूहमा कुवेत र जापान पनि रहेका छन् । हरेक समूहमा सिङ्गल राउन्ड रोबिनका आधारमा खेलहरु हुनेछ । प्रत्येक समूहको शीर्ष दुईमा रहने राष्ट्रले सुपर सिक्समा स्थान बनाउने छ । नेपालले पनि सुपर सुरुवातमा सुपर सिक्समा स्थान बनाउँन आफ्नो समूहमा कम्तिमा एक खेल जित्नु पर्ने हुन्छ ।
सुपर सिक्समा हरेक टोलीले आफ्नो समूहको बाहेक अन्य चार राष्ट्रको सामना गर्नेछ । नेपालले आफ्नो समूहबाट सुपर सिक्समा पुगेको राष्ट्र बाहेक अन्य चार राष्ट्रसँग खेल्नेछ । सुपर सिक्सको खेलमा नेपाल शिर्ष तीनमा रहन सकेमा लगातार दोस्रो पटक विश्वकपमा स्थान बनाउने छ ।
नेपालले समूह चरणको पहिलो खेलमा असोज २२ बेलुका पौने नौमा सामना गर्नेछ । दोस्रो खेलमा जापानसँग भने असोज २४ अपरान्ह सवा चारमा खेल्नेछ । असोज २६ देखि असोज ३१ सम्म सुपर सिक्सका खेलहरु हुनेछन् ।
टि२० विश्वकप आगामी वर्षको फेब्रुअरी देखि मार्चसम्म आयोजना हुनेछ ।