एसिया कप छनौट प्रतियोगिता अन्तर्गत नेपाल र मलेसिया बीचको खेल बर्षाका कारण सुरु हुन ढिला भएको छ।
बयुमास ओभल मैदानमा बिहान केहि समय सिम-सिम पानि परेपछि खेल मैदानलाई कभरले ढाकिएको थियो। अहिले भने बर्षा रोकिएको र आउट फिल्डमा रहेको पानि हटाएपछि टस हुने जानकारी विकेटनेपालका मलेसिया सम्बाददाता साजन शर्माले बताएका छन्। बिहानको बर्षाले मैदान भिजेको र खेल्न योग्य हुनेगरी मैदान ओभाउन केहि समय कुर्नुपर्ने उनको भनाई छ। अहिले मैदानबाट जमेको हटाउने काम भैरहेको छ।
एसिया कप छनौट अन्तर्गत नेपालले आफ्नो तेस्रो खेलमा आयोजक मलेसियाको सामना गर्दैछ। ६ टोलि सम्मिलित प्रतियोगिताको फाइनल जित्दै एसिया कपका लागि छनौट हुन नेपाललाई अबको बाँकि खेलहरु जित्नैपर्ने दवाब छ। नेपालले आफ्नो पहिलो खेलमा ओमानसंग ७ विकेट तथा दोस्रो खेलमा युएईसंग ७८ रनको हार बेहोरेको थियो।
नेपालको बाँकी खेल तालिका :-
१ सेप्टेम्बर – नेपाल Vs मलेसिया ( बायुमास ओभल मैदान ) २ सेप्टेम्बर – नेपाल Vs सिंगापुर ( युकेएम ओभल मैदान ) ४ सेप्टेम्बर – नेपाल Vs हंगकंग ( युकेएम ओभल मैदान ) ६ सेप्टेम्बर – फाईनल ( किनरारा ओभल मैदान )
