वेस्ट इन्डिज र दक्षिण अफ्रिकाबिचको पहिलो टेस्ट बराबरीमा सकिएको छ । दक्षिण अफ्रिका दुई खेलको टेस्ट सिरिजका लागि वेस्ट इन्डिज भ्रमणमा रहेको छ ।
दक्षिण अफ्रिकाले दिएको २ सय ९८ रनको लक्ष्य पछ्याएको घरेलु टोली वेस्ट इन्डिजले पाँचौ दिनको खेल सकिदा ५ विकेट गुमाएर २ सय १ रन मात्र बनाउँन सक्यो ।
वेस्ट इन्डिजका लागि अलिक अथानाजले १ सय १६ बलमा सर्वाधिक ९२, केसी कार्टी र जेसन होल्डरले समान ३१, केभम हाड्जले २९ रन जोडे । दक्षिण अफ्रिकाका लागि केशब महाराजले ४ र कागिसो रबडाले १ विकेट लिए ।
पहिलो इनिङमा पाहुना टोलीले १ सय २४ रनको अग्रता कायम गरेको थियो । दोस्रो इनिङमा पाहुना टोलीले ३ विकेट गुमाएर १ सय ७३ रन थपेको थियो ।
दोस्रो इनिङमा पाहुना टोली दक्षिण अफ्रिकाका लागि ट्रिस्टन स्टम्सले सर्वाधिक ६८, ओपनर टोनी डि जोर्जीले ४५, एडेन मारकमले ३८ रन जाडे । वेस्ट इन्डिजका लागि जमल वारिकेनले २ तथा केमार रोचले १ विकेट लिए ।
पहिलो इनिङमा वेस्ट इन्डिजका लागि केसी कार्टीले ८१ बलमा ४२, कप्तान केग्री ब्रेथवेट र माईकाल लुईसले समान ३५ रन जोडे । जेसन होल्डरले ३६ तथा केभम हाड्ज २५ रन जोड्दा जमल वारिकेन ३५ रनमा अविजित रहेका छन् । दक्षिण अफ्रिकाका लागि केशव महाराजले ४ तथा कागिसो रबडाले ३ विकेट लिए ।
त्यसअघि टस जितेर ब्याटिङ रोजेको पाहुना टोली पहिलो इनिङमा ३ सय ५७ रनमा अल आउट भएको थियो ।
दक्षिण अफ्रिकाका लागि कप्तान टेम्बा बभुमा र ओपनर टोनी डि जोर्जीले अर्धशतक बनाएका थिए । कप्तान बभुमाले १ सय ८२ बलमा सर्वाधिक ८६ रन जोडे । ओपनर जोर्जीले १ सय ४५ बलमा ७८ रन बनाए ।
कायल भेरिनले ३९, ट्रिस्टन स्टम्सले २०, रायन रिकल्टनले १९, डेविड बेडिनहामले २९ रन जोडे । वायन मुल्दार ४१ रनमा अविजित रहँदा कागिसो रबडा २१ रन बनाए।
वेस्ट इन्डिजका लागि जमल वरिकेनले ४, जयडेन सेल्सले ३, किमार रोचले २ तथा जेसन होल्डरले १ विकेट लिए ।
सिरिजको दोस्रो टेस्ट खेल १५ अगस्टबाट सुरु हुनेछ । दुई टोलीबीच २४ अगस्टबाट ३ खेलको टि ट्वान्टी सिरिज पनि छ ।
