पाकिस्तानको न्युजिल्यान्ड भ्रमण अन्तर्गत दुई टेस्टको सिरिज शनिवार बे ओभल, माउन्ट मोनगानुईमा सुरु भएको छ।
टेस्टको पहिलो दिन टस हारेर ब्याटिंग गरेको घरेलु टोलिले दिनको समाप्तिमा ८७ ओभर ब्याटिंग गर्दै ३ विकेट गुमाएर २२२ रन बनाएको छ।
न्युजिल्यान्डको सुरुवात राम्रो हुन सकेको थिएन। ओपनरद्वय टम लाथम र टम ब्लनडेल क्रमशः ४ र ५ रन बनाएर शाहिन अफ्रिदीबाट क्याच आउट हुँदै पेभेलियन फर्किए।
१३/२ को अवस्थाबाट कप्तान केन विलियमसन र रस टेलरले शतकीय साझेदारी गरे। तेश्रो विकेट लिंदै अफ्रिदीले दुवै बीच १२० रनको साझेदारी तोडे। १५१ बलमा १० चौका र १ छक्का मद्दतले ७० रन बनाएर टेलर पेभेलियन फर्किए।
<blockquote class=”twitter-tweet”>
<p dir=”ltr” lang=”en”>STUMPS in Mount Maunganui!</p>
New Zealand end day one on a solid 222/3, courtesy of an unbeaten 94 from skipper Kane Williamson 🙌
Thoughts on the <a href=”https://twitter.com/hashtag/NZvPAK?src=hash&ref_src=twsrc%5Etfw”>#NZvPAK</a> action so far?
SCORECARD ▶️ <a href=”https://t.co/LMlsEQTtXP”>https://t.co/LMlsEQTtXP</a> <a href=”https://t.co/N59rijQuaI”>https://t.co/N59rijQuaI</a> <a href=”https://t.co/bf7dotTaP8″>pic.twitter.com/bf7dotTaP8</a>
— ICC (@ICC) <a href=”https://twitter.com/ICC/status/1342710399821639680?ref_src=twsrc%5Etfw”>December 26, 2020</a></blockquote>
<script async src=”https://platform.twitter.com/widgets.js” charset=”utf-8″></script>
टेलरको विकेट पछि विलियमसनले हेनरी निकोलससंग चौथो विकेटको लागि ८५ रनको साझेदारी गरेका छन्। विलियमसन २३ औं टेस्ट शतकबाट मात्र ६ रन टाढा ९४ रन बनाएर क्रिजमा छन् जसले २४३ बलमा ८ चौका र १ छक्का हिर्काएका छन्। यस्तै निकोलस १०० बलमा ४ चौका मद्दतले ४२ रन बनाएर अविजित रहेका छन्।
खेलमा विलियमसनको २ वटा क्याच लिने अवसर पाकिस्तानको स्लिप फिल्डरले गुमाएका थिए।
पाकिस्तानको लागि शाहिन अफ्रिदीले दिनको ३ वटै विकेट लिएका छन् जसले २० ओभरमा ५ मेडन ओभर गर्दै ५५ रन खर्चिएका छन्।
भ्रमण अन्तर्गत यस अघि सम्पन्न टि-२० सिरिज न्युजिल्यान्डले २-१ ले जितेको थियो।
