T20WC : न्युजिल्यान्ड पहिलो पटक फाइनलमा, मिचेलको उत्कृस्ट पारि

इंग्ल्यान्डलाई ५ विकेटले पराजित गर्दै न्युजिल्यान्ड पहिलो पटक टि-ट्वान्टी विश्वकपको फाइनल पुगेको छ। यस अघि सन् २००७ र २०१६ मा न्युजिल्यान्डको यात्रा सेमीफाइनलमा टुंगेको थियो।

युएईको अबुधाबी स्थित शेख जायद स्टेडियममा इंग्ल्यान्डले दिएको १६७ रनको लक्ष्य न्युजिल्यान्डले १ ओभर बाँकी रहँदै ५ विकेट गुमाएर पुरा गर्यो। न्युजिल्यान्डको लागि ओपनर डेरेल मिचेलले सर्वाधिक ७२ रन बनाए जुन क्रममा अविजित रहँदै ४७ बलमा ४ चौका र ४ छक्का प्रहार गरे। यस्तै डेभोन कनवेले ३८ बलमा ५ चौका र १ छक्का मद्दतले ४६ रन बनाए र जेम्स निशमले ११ बलमा १ चौका र ३ छक्का प्रहार गर्दै २७ रन बनाए।

लक्ष्य पछ्याउने क्रममा ओपनर मार्टिन गप्टिललाई सुरुवातमै क्रिस वोक्सले क्याच आउट पारे। पावरप्लेमा न्युजिल्यान्डले २ विकेट क्षेतीमा ३६ रन बनायो। त्यसपछि डेभोन कनवे र डेरेल मिचेलले तेश्रो विकेटको लागि ८१ रनको साझेदारी गरे। चौधौं ओभरमा कनवेलाई लियाम लिभिंगस्टोनले क्याच आउट पारे भने लगत्तै उनले ग्लेन फिलिप्सलाई पनि क्याच आउट पारे।

जितको लागि २४ बलमा ५७ रन आवस्यक हुँदा क्रिस जोर्डनले गरेको १७ औं ओभरमा २३ रन खर्चिए। निशमले २ छक्का र १ चौका प्रहार गरे। अठारौं ओभरमा आदील रशिदले १४ रन खर्चे पनि अन्तिम बलमा निशमलाई क्याच आउट पार्दै इंग्ल्यान्डलाई खेलमा फर्काए। जितको लागि अन्तिम २ ओभरमा २० रन आवस्यक रह्यो। क्रिस वोक्सले गरेको उन्नाईसौं ओभरको दोश्रो र तेश्रो बलमा मिचेलले लगातार छक्का तथा अन्तिम बलमा चौका प्रहार गर्दै खेल जिताए।

इंग्ल्यान्डको बलिंगमा लियाम लिभिंगस्टोन ( ४-०-२२-२ ) र क्रिस वोक्सले ( ४-१-३६-२ ) समान २ विकेट लिए भने आदील रशिद ( ४-०-३९-१ ) ले एक विकेट लिए।

टस हारेर ब्याटिंग गरेको इंग्ल्यान्डले २० ओभरमा ४ विकेट क्षेतीमा १६६ रन बनाएको थियो। इंग्ल्यान्ड ब्याट्सम्यान मोइन अलिले सर्वाधिक ५१ रन बनाए जुन क्रममा ३७ बलमा ३ चौका र २ छक्का प्रहार गरे। यस्तै डेविड मलानले ३० बलमा ४ चौका र १ छक्का मद्दतले ४१ रन बनाए। जोस बटलरले २९, लियाम लिभिंगस्टोनले १७ तथा जोनी बेयरस्टोले १३ रन बनाए। मलान र अलि बीच तेश्रो विकेटको लागि ६३ रनको साझेदारी भयो।

न्युजिल्यान्ड बलर टिम साउदी ( ४-०-२४-१ ) , एडम मिल्ने ( ४-०-३१-१ ) , इश सोढी ( ४-०-३२-१ ) , जेम्स निशमले ( २-०-१८-१ ) समान एक विकेट लिए।

प्रतियोगिता अन्तर्गत दोश्रो सेमीफाइनल खेल बिहिबार अस्ट्रेलिया र पाकिस्तान बीच खेलिनेछ। खेल दुबई अन्तर्राष्ट्रिय स्टेडियममा राति ७:४५ बजे सुरु हुनेछ।





थप समाचार

प्रधानमन्त्री कप भक्तपुर छनोट :हिमालय र बिएमसीए विजयी

काठमाडौं । प्रधानमन्त्री कप क्रिकेट प्रतियोगिताको भक्तपुर छनोट खेलमा हिमालय स्पोर्ट्स म्यानेजमेन्ट र बिएमसीए विजयी भएका छन्। मुलपानी मैदानमा जारि […]

एनकासा इन्टर फर्म क्रिकेट : सुब्र , केबिएसआर, अनिश र एपीए विजयी

१२ औं संस्करणको एनकासा इन्टर फर्म क्रिकेट प्रतियोगिता अन्तर्गत दोश्रो दिन सम्पन्न चारवटा खेलहरु सम्पन्न भएका छन्। ललितपुर स्थित पुल्चोक […]

डीएभीलाई अन्तर-स्कुल टि-२० क्रिकेटको उपाधि

काठमाडौँ, डिएभि सुशील केडिया विश्व भारतीय स्कुलले १६ औं सीओएएस अन्तर-स्कुल रनिंग टि-२० क्रिकेट प्रतियोगिता २०८१ को उपाधि जितेको छ। […]

इन्टर-फर्म क्रिकेट : एसएचए र केएएसए युपीबि युथ्स विजयी

१२ औं संस्करणको एनकासा इन्टर फर्म टी २० क्रिकेट प्रतियोगिता आइतबार सुरु भएको छ। ललितपुर स्थित पुल्चोक इन्जिनियरिङ मैदानमा आइतबार […]

प्रधानमन्त्री कप भक्तपुर छनोट : जनप्रेमी र हिमालयन विजयी

काठमाडौं । प्रधानमन्त्री कप क्रिकेट प्रतियोगिताको भक्तपुर छनोट खेलमा जनप्रेमी स्पोर्टस् क्लब र हिमालयन स्पोर्ट्स म्यानेजमेन्ट विजयी भएका छन्। मुलपानी […]

प्रधानमन्त्री कप भक्तपुर छनोट : पासा र बिसीसी विजयी

काठमाडौं । प्रधानमन्त्री कप क्रिकेट प्रतियोगिताको भक्तपुर छनोट खेलमा पासा क्रिकेट एकेडेमी र बिसीसी विजयी भएका छन् । मुलपानी मैदानमा […]