वुमन्स च्याम्पियन्स लिगको ड्राफ्ट आज हुँदै

  • विकेटनेपाल, वैशाख ३१ – मंगलबार

असोज ३ देखि ११ गतेसम्म काठमाडौंमा हुन लागेको महिला फ्रेन्चाईज क्रिकेट प्रतियोगिता (डब्ल्युसिएल) टि२० को ड्राफ्ट आज हुँदैछ। कार्यक्रम साँझ ५ बजे काठमाडौंको सांग्रिला होटलमा हुनेछ।

यसअघि भएका पुरुष र महिला क्रिकेट प्रतियोगितामा लिलामी प्रक्रियाबाट खेलाडी छनोट गरीएको थियो। यस प्रतियोगिताबाट नेपालमा पहिलोपल्ट ड्राफ्ट प्रक्रियाबाट खेलाडी छनोट गर्ने प्रक्रिया भित्रिँदैछ। बंगलादेश प्रिमियर लिग, पाकिस्तान सुपर लिग, क्यारेबियन प्रिमियर लिगमा समेत ड्राफ्ट प्रक्रियाबाट नै खेलाडी छनोट गर्ने गरिन्छ।

क्विन्स इभेन्ट म्यानेजमेन्टको आयोजनामा हुने प्रतियोगितामा १०७ जना खेलाडीले आफ्नो नाम दर्ता गराएका छन्। खेलाडीको नाम दर्ताको लागि बैशाख १९ गतेदेखि २५ गतेसम्म आवेदन दर्ता खुल्ला गरिएको थियो।

 

आयोजकले यसअघि नै सहभागी ५ टिम र यसका मार्की खेलाडी सार्वजनिक गरिसकेको छ। पहिलोपटक आयोजना हुन लागेको महिला फ्रेन्चाइज लिगमा ललितपुर फाल्कोन्स, पोखरा पल्टन, क्यापिटल रोयल्स काठमाडौँ, चितवन राइनोज र विराटनगर टाइटन्स टिम छन्।

काठमाडौँको मार्की प्लेअरमा राष्ट्रिय महिला टिमकी कप्तान रुविना क्षेत्री छन्। यस्तै सीता राना मगर पोखराको, इन्दु बर्मा चितवनको, नेरी थापा ललितपुरको र सरिता मगर विराटनगरको मार्की खेलाडीमा छन्।

यसअघि २०७५ को अन्त्यतिर प्रतियोगिता सम्पन्न गर्ने लक्ष्य राखिएको भएपनि ४ महिना पछी सर्दै असोज महिनामा आयोजना हुँदैछ। क्विन्स इभेन्ट मेनेजमेन्टले यसअघि नै पोखरा प्रिमियर लिगको आयोजना गरिसकेको छ।





थप समाचार

गल्फद्वारा दीपेन्द्रलाई रिटेन

काठमाडौं । युएईमा आयोजना हुने अन्तराष्ट्रिय टी-२० लिग क्रिकेट लिगमा गल्फ जायन्ट्सले नेपालका दीपेन्द्रसिंह ऐरीलाई आगामी संस्करणका लागि रिटेन गरेको […]

दीपेन्द्र अहिलेसम्मकै उच्च वरियतामा

काठमाडौं । नेपाली राष्ट्रिय क्रिकेट टोलीका अलराउन्डर दीपेन्द्रसिंह ऐरीले वरियतामा छलाङ मारेका छन् । अन्तराष्ट्रिय क्रिकेट परिषद (आइसीसी)ले जारी गरेको […]

टी-२० विश्वकप : सुपर एटका खेल आजबाट

काठमाडौं । नवौं संस्करणको टी-२० विश्वकपको दोस्रो चरण (सुपर एट) का खेलहरु आज (बुधबबार) बाट सुरु हुदैछ । सुपर एटको […]

रोहितसँग झगडा गरेका तन्जिममाथि आइसीसीको कारबाही

काठमाडौं । बंगलादेशका तीव्र गतिका बलर तान्जिम हसन शाकिबमाथि अन्तराष्ट्रिय क्रिकेट परिषद (आइसीसी) ले कारबाही गरेको छ । आइसीसीले आइतबार […]

तथ्याकंमा नेपालको विश्वकप यात्रा..

काठमाडौं । नेपालले सन् २०१४ पछि दश वर्षको अन्तरालमा सन् २०२४ मा वेस्ट इन्डिज र अमेरिकामा जारी टी-२० विश्वकपमा सहभागीता […]

अफगानिस्तानमाथि वेस्ट इन्डिजको सानदार जित

काठमाडौं । वेस्ट इन्डिजले घरेलु भुमी तथा अमेरिकामा जारी नवौं संस्करणको टी-२० विश्वकपको समूह चरणको अन्तिम खेलमा अफगानिस्तानमाथि सानदार जित […]