- विकेटनेपाल, जेठ १७ – बिहिबार
वेस्ट इन्डिजमा सन् २०१६ को अन्त्यतिर आएको आँधीबेहरीका पिडितहरुलाई सहयोगार्थ हुन लागेको विश्व एघार र वेस्ट इन्डिज बिचको खेल आज हुँदै छ। क्रिकेटको घर भनेर चिनिने लर्ड्स क्रिकेट मैदान, इंग्ल्याण्डमा हुने खेलमा सहभागिता जनाउन नेपालका सन्दिप लामिछाने पनि इंग्ल्याण्डमा रहेका छन्।
खेल नेपाली समय अनुसार रातिको १०:४५ बजेदेखि सुरु हुनेछ । सन्दिप यहि खेलमा विश्व एघारको तर्फबाट सहभागीता जनाउन हिजो बिहान इंग्ल्याण्ड पुगिसकेका छन्। उनले त्यहाँ विश्व स्तरका खेलाडीहरुसँग खेल्ने अवसर पाउनेछन्।
Off to London ✈ ?? #ICC_WORLD_XI VS #WINDIES ? pic.twitter.com/Zrq1s15MRd
— Sandeep Lamichhane (@IamSandeep25) May 29, 2018
यसअघि इन्डियन प्रिमियर लिगमा सहभागिता जनाएर चर्चित भनेका उनलाई प्रतियोगिता खेलिरहेकै समयमा आइसीसीले विश्व एघारको लागि निमन्त्रणा गरेको थियो। उक्त निमन्त्रणापछी लामिछानेले आइपिएल भन्दा बिश्व एघारबाट खेल्नु ठुलो सफलता रहेको बताएका थिए।
ट्वान्टी२० अन्तर्राष्ट्रिय मान्यता रहेको खेलमा विश्व एघारको कप्तानी पाकिस्तानका पुर्व अलराउन्डर शाहिद अफ्रिदीले गर्नेछन् भने वेस्ट इन्डिजको टिम विस्फोटक ब्याट्सम्यान तथा अलराउण्डर कार्लोस ब्र्याथवेटको कप्तानीमा मैदानमा उत्रिनेछ।
यदि सन्दिप लामिछाने प्लेइंग एघारमा परेको खण्डमा उनले अन्तर्राष्ट्रिय टि२० खेलमा डेब्यु गर्नेछन्। नेपालले सन् २०१४ मा टि२० विश्वकप खेल्दा र त्यसपछि थप २ बर्षको लागि पाएको अस्थाई मान्यताको समयमा खेलेका खेलमा टि२० मान्यता थियो। तर उक्त समयमा लामिछाने नेपाली क्रिकेटमा कतै पनि सुनिएको थिएन।
World XI: Dinesh Karthik, Mitchell McClenaghan, Thisara Perera, Rashid Khan, Luke Ronchi, Shahid Afridi(c), Shoaib Malik, Tamim Iqbal, Sandeep Lamichhane, Adil Rashid, Mohammed Shami, Sam Billings, Sam Curran, Tymal Mills
West Indies: Carlos Brathwaite(c), Rayad Emrit, Andre Fletcher, Chris Gayle, Evin Lewis, Ashley Nurse, Keemo Paul, Rovman Powell, Denesh Ramdin, Andre Russell, Samuel Badree, Marlon Samuels, Kesrick Williams
Delighted to confirm that the @ICC Facebook page will be live streaming tonight’s #CricketRelief match at the @HomeOfCricket (excl. UK, Ireland, Bangladesh, Caribbean) pic.twitter.com/fdXGL5wvO9
— Alistair Hogg (@AlistairICC) May 31, 2018
