थाईल्याण्ड रास्ट्रिय क्रिकेट टिमसंग मैत्रीपूर्ण क्रिकेट खेल्न दांगको योंगस्टार क्रिकेट क्लब टिम शुक्रबार थाईल्याण्ड प्रस्थान गरेको छ l
५ दिन थाईल्याण्डमा बिताउने क्लबले त्यहाँ रहुन्जेल स्थानीय क्लबसंग र थाईल्याण्ड रास्ट्रिय क्रिकेट टिमसंग मैत्रीपूर्ण टि-२० तथा एकदिवसीय क्रिकेट खेल्ने कार्यक्रम रहेको छ l भ्रमण टोलिमा १३ जना खेलाडी सहित प्रशिक्षक, म्यानेजर र अन्य अफिसियल गरि जम्मा २० जना रहेका छन् l
क्लबले शनिबार थाईल्याण्ड रास्ट्रिय क्रिकेट टिमसंग शनिबार एकदिवसीय खेल खेल्ने कार्यक्रम रहेको छ l ( खेलबारे अपडेट विकेटनेपाल पेजमा गर्नेछौ )
थाईल्याण्डतर्फ जाने क्रममा योंगस्टार टिमको कप्तान रुपेश शर्माले विकेटनेपालसंग कुराकानी गर्दै स्थानीय खेलाडीहरुलाई एक्सपोजर दिनको लागि भ्रमण आयोजना गरिएको बताए l भ्रमणले यस क्षेत्रको खेलाडी पनि सम्बन्धित निकायको आँखामा पर्ने विश्वास गर्दै 
प्रत्येक बर्ष निरन्तरता दिने हिसाबले आगामी दिनमा अघि बढ्ने प्रतिबद्धता समेत ब्यक्त गरेका छन् l
टिममा अधिकांश स्थानीय खेलाडी रहेका छन् जसमा २ जना काठमाडौँका खेलाडी रहेका छन् l थाईल्याण्ड भ्रमणको लागि खेलाडी आफैले, क्लबले र बिभिन्न स्थानीय प्रायोजकहरु मार्फत खर्च ब्यबस्थापन गरिएको शर्माले जानकारी दिए l
स्थानीय स्तरमा प्रत्येक बर्ष स्तरीय प्रतियोगिता आयोजना गर्ने तथा बिभिन्न प्रतियोगितामा सहभागिता जनाउदै आएको क्लबले गर्न लागेको यो पहिलो विदेश भ्रमण हो l क्लबको भ्रमणलाई रास्ट्रिय खेलकुद परिषदले मान्यता दिएको छ भने थाईल्याण्ड क्रिकेट एसोसियसनले साथ दिनेछ l
सहभागी टिम :
रुपेश शर्मा ( कप्तान ) , दिपेश शाक्य, सुदिप नेपाली, सोनु तामांग, प्रशन्न शाक्य ,आशिष सिंग, केशब प्रसाद शर्मा, दिवस पुन, सफल कुमार पुरी, ऋषि राज लहरे, प्रविन अधिकारी, आकाश सिंह, बिरसिंग ओली
बिनिल केसी ( प्रशिक्षक ) , सिताराम शर्मा ( टिम म्यानेजर ) , गणेश शाही ( सहायक टिम म्यानेजर ) , हुमेंद्र खड्का ( मिडिया म्यानेजर ) , डा. सुबोध कुमार शर्मा ( फिजियो ) , हेमराज बस्नेत ( टेक्निकल एनालिस्ट ) , शिखर बहादुर विश्वकर्मा ( अफिसियल )
यो पनि पढ्नुस :-
- सन्दिप लामिछाने यु-१९ रास्ट्रिय टिमको कप्तान, हेर्नुस को-को परे टिममा
- कस्तो रह्यो अस्ट्रेलियामा सन्दिपको प्रदर्शन ?
- नेपाल कठिन समुहमा ( यु-१९ एसिया कप )
- सन्दिप लामिछानेलाई शेन वार्नको ‘कल’
