दोश्रो एकदिवसीयमा जिम्बाब्वेलाई ६ विकेटले पराजित गर्दै पाकिस्तानले १ खेल अगावै तिन एकदिवसीयको सिरिज २-० ले जित्न सफल भएको छ। पहिलो खेलमा पाकिस्तान २६ रनले विजयी भएको थियो।
रावलपिण्डीमा सम्पन्न खेलमा टस जितेर ब्याटिंग गर्दै जिम्बाब्वेले दिएको २०७ रनको लक्ष्य घरेलु टिमले ३५.२ ओभरमा मात्र ४ विकेट गुमाएर पुरा गरेको हो।
पाकिस्तानको जितमा कप्तान बाबर आजमले सर्वाधिक ७७ रन बनाए जुन क्रममा ७४ बलमा ७ चौका र २ छक्का प्रहार गरे। इमाम उल हकले ४९ रन, हैदर अलिले २९ रन, अबिद अलिले २२ रन तथा इफ्तिकार एहमदले अविजित १६ रन बनाए।
ओपनर अबिद अलि र इमाम उल हकले ६८ रनको साझेदारी गरेका थिए। ११ औं ओभरमा अलिको विकेट पछि कप्तान आजमले अर्को किनारमा विकेट गुमेता पनि टिमलाई जितसम्म पुर्याएका थिए।
जिम्बाब्वेको बलिंगमा टेण्डाइ चिसोरोले सर्वाधिक २ विकेट ( १०-०-४९-२ ) विकेट लिए भने सिङ विलियम्स ( ५-०-३१-१ ) र सिकन्दर राजाले ( ५-१-२३-१ ) समान १ विकेट लिए।
जिम्बाब्वेको ब्याटिंग
यस अघि जिम्बाब्वेले ४५.१ ओभरमा सम्पूर्ण विकेट गुमाएर २०६ रन मात्र बनाउन सकेको थियो।
जिम्बाब्वेको लागि सिङ विलियम्सले सर्वाधिक ७५ रन बनाए जुन क्रममा ७० बलमा १० चौका र १ छक्का प्रहार गरे। अघिल्लो खेलमा शतक बनाएका ब्रेण्डन टेलरले ३६, ब्रायन चरीले २५, मुजाराबानिले १७ रन बनाए।
सुरुवाती विकेट गुम्दा ५९/३ को अवस्थामा पुगेको जिम्बाब्वेलाई त्यसपछि सिन विलियम्सले एक किनार सम्हाल्दै सम्मानजनक योगफलसम्म पुर्याएका थिए। यस क्रममा विलियम्सले चौथो विकेटको लागि ब्रेण्डन टेलरसंग ६१ रनको साझेदारी गरेका थिए। १६ औं ओभरम टेलर आउट हुँदा अन्य ब्याट्सम्यानले विलियम्सलाई लामो समय साथ दिन सकेनन्।
💥 10-2-40-5 💥
Iftikhar Ahmed is the Player of the Match after this superb bowling display 🎥 👏 #PAKvZIMpic.twitter.com/JqwREPuZRs
— ICC (@ICC) November 1, 2020
पाकिस्तानको बलिंगमा अफ स्पिनर इफ्तिखार एहमद एक्लैले ५ विकेट लिए। उनले १० ओभरमा २ मेडन ओभर गर्दी ४० रन खर्चिए। छैठौं एकदिवसीय खेल्ने क्रममा एहमदको यो व्यक्तिगत उत्कृस्ट बलिंग स्पेल हो। मुहम्मद मुसाले २ विकेट तथा हरिस रौफ, फहीम असरफ र इमाद वासिमले समान १ विकेट लिए।
सिरिज अन्तर्गत तेश्रो एकदिवसीय मंगलबार खेलिनेछ। एकदिवसीय सिरिज पछि दुइ टिम बीच नोभेम्बर ७ देखि तिन वटा टि-२० अन्तर्राष्ट्रियको सिरिज खेलिनेछ।
यो पनि पढ्नुस
पन्जाबको प्ले-अफ सपना चेन्नाईद्वारा चकनाचुर, गायकवाडको कीर्तिमानी अर्धशतक
पन्जाबसंगको खेल अघि धोनीको ठूलो घोषणा ‘यो मेरो आईपीएलमा अन्तिम खेल हैन’
टाउकोको उचाइको बललाई ‘नो बल’ नदिएपछि खेलाडी र फ्यानहरु चकित
इरफान पठान लंका प्रिमियर लिग खेल्न अनुबन्धित
लगातार तेश्रो हार पछि बैंगलोर कप्तान कोहलीले के भने
