काठमाडौं । अलराउन्डर अकिव इलियाल्सको कप्तानीमा ओमानले आगामी जुनमा अमेरिका र वेस्ट इन्डिजमा संयुक्त रुपमा आयोजना हुने टी-२० विश्वकपका लागी टोली घोषणा भएको छ ।
बुधबार इलियासको कप्तानीमा १५ सदस्यीय ओमानको टोली घोषणा भएको हो । यस अघि ओमानको नियमित कप्तान रहेका जिशान मक्शूद टोलीमा रहेपनि विश्वकपमा कप्तानीको भुमिकामा इलियास रहने छन् ।
विश्वकपमा ओमान समूह बी मा रहेको छ । समूह बी मा ओमानका अलावा इंग्ल्यान्ड, नामिबिया, स्कटल्यान्ड र अस्ट्रेलिया छन् । ६ जुनमा अस्ट्रेलियासँग खेल्दै ओमानले विश्वकपको सुरुआत गर्नेछ ।
ओमानी टोली :
अकिब इलियास (कप्तान), जीशान मक्शूद, कश्यप प्रजापति, प्रतीक अठावले, अयान खान, सोएब खान, मोहम्मद नदीम, खलिद खाल, नसीम खुशी, मेहरान खान, बिलाल खान, रफीउल्लाह, कलीमुल्लाह, फैयाज बट, शकील अहमद।
रिजर्व : जतिंदर सिंह, समय श्रीवास्तव, सुफियान महमूद, जय ओडेद्रा
