अस्ट्रेलियाद्वारा ओमान पराजित

काठमाडौं । वेस्ट इन्डिज र अमेरिकामा जारी टी-२० विश्वकपको दशौं खेलमा अस्ट्रेलियाले ओमानलाई पराजित गरेको छ ।

वेस्ट इन्डिजको बारबाडोसमा आफ्नो पहिलो खेलमा अस्ट्रेलियाले ३९ रनको सहज जित निकालेको हो । ओमान भने लगातार दोस्रो खेलमा पराजित भएको हो ।

अस्ट्रेलियाले दिएको१ सय ६५ रनको लक्ष्य पछ्याएको ओमानले २० ओभरमा ९ विकेट गुमाएर १ सय २५ रन मात्र बनाउँन सक्यो ।

अ‍ेमानका लागि आयान खानले ३० बलमा २ चौका र २ छक्काको सहयोगमा ३६ रन बनाए । मेहरान खानले २७ तथा कप्तान अकिव ईल्यासले १७ रन बनाए ।

अस्ट्रेलियाका लागि मार्कस ूटोईनेसले तीन तथा नाथन एलिस, मिचृल स्टार्क र एडम जाम्पाले समान दुई दुई विकेट लिए ।

त्यसअघि टस हारेर पहिले ब्याटिङ गरेको अस्ट्रेलियाले २० ओभरमा ५ विकेट गुमाएर १ सय ६४ रन बनाएको थियो ।

अस्ट्रेलियाका लागि डेबिड वार्नर र मार्कस स्टोइनेसले अर्धशतकीय ईनिङ खेले । स्टोइनेसले ३५ बलमा २ चौका र ६ छक्काको सहयोगमा अविजित ६६ रन बनाए ।

वार्नरले ५१ बलमा ६ चौका र १ छक्काको सहयोगमा ५६ रन बनाए । चौथो विकेटका लागि वार्नर र स्टोइनेसले ६४ बलमा १ सय २ रनको साझेदारी गरे । कप्तान मिचेल मार्शले २१ बलमा १४ तथा ट्राभिस हेडले १० बलमा १२ रन बनाए ।

ओमानका लागि मेहरान खानले दुई तथा बिलाल खानले एक विकेट लिए ।

जितसँगै अस्ट्रेलिया समूह बी को शीर्ष स्थानमा छ ।





थप समाचार

आयरल्यान्डलाई हराउँदै सुपर आठमा पुग्ने लक्ष्यमा अमेरिका

काठमाडौं । वेस्ट इन्डिज र अमेरिकामा जारी आईसिसी टी–२० विश्वकप क्रिकेट अन्तर्गतको ३० औं खेलमा शुक्रवार अमेरिका र आयरल्यान्डबीच भिड्दै […]

दक्षिण अफ्रिका र नेपाल पहिलो पटक भिड्दै

काठमाडौं । नेपाल र दक्षिण अफ्रिका अन्तर्राष्ट्रिय क्रिकेटको इतिहासमा पहिलो पटक भिड्ने भएका छन् । वेस्ट इन्डिज र अमेरिकामा जारी […]

७ महिना पछि नेपाली जर्सीमा फर्कदै सन्दीप

काठमाडौं । नेपाली राष्ट्रिय पुरुष क्रिकेट टोलीका पुर्व कप्तान तथा लेग स्पिनर सन्दीप लामिछाने ७ महिना १० पछि नेपाली टोलीको […]

दक्षिण अफ्रिकाविरुद्ध नेपाल सम्भावित प्लेईङ-११

काठमाडौं । वेस्ट इन्डिज र अमेरिकामा जारी नवौं संस्करणको टी-२० विश्वकपमा शनिबार बिहान समूह डी मा रहेको नेपालले दक्षिण अफ्रिकाको […]

दक्षिण अफ्रिकाविरुद्ध उमेर समूहको नतिजा दोहोर्याउने लक्ष्यमा नेपाल

काठमाडौं । वेस्ट इन्डिज र अमेरिकामा जारी नवौं संस्करणको टी-२० विश्वकपमा शनिबार बिहान समूह डी मा रहेका नेपाल र दक्षिण […]

पीएनजीलाई हराउँदै अफगानिस्तान सुपर आठमा

काठमाडौं । अफगानिस्तान पपुवा न्यु गिनी (पीएनजी) लाई पराजित गर्दै वेस्ट इन्डिज र अमेरिमा जारी रहेको नवौं संस्करणको टी-२० विश्वकपको […]