अस्ट्रेलियामाथि वेस्ट इन्डिजको सहज जित

काठमाडौं । अमेरिका र वेस्ट इन्डिजमा हुने टी-२० विश्वकपको वार्मअप खेलमा वेस्ट इन्डिजले अस्ट्रेलियालाई पराजित गरेको छ ।

वेस्ट इन्डिजको ट्रिनिडाडमा भएको खेलमा घरेलु टोली ३५ रनले विजयी भएको हो ।

वेस्ट इन्डिजले दिएको २ सय ५८ रनको लक्ष्य पछ्याएको अस्ट्रेलियाले २० ओभरमा ७ विकेट गुमाएर २ सय २२ रन मात्र बनाउन सक्यो ।

अस्ट्रेलियाका लागि जोश इंग्लिसले ३० बलमा ५५ तथा नाथन एलिसले २२ बलमा ३९ रन बनाए । एस्टन अगरले १३ बलमा २८ तथा टिम डेविड र म्याथ्यु वेडले समान २५/२५ रन बनाए ।

वेस्ट इन्डिजका लागि गुणकेश मोटी र अल्जारी जोसेफले समान २/२ तथा अकिल हौसेन, शेमार जोसेफ र ओबेद म्याकोईले समान १/१ विकेट लिए ।

त्यसअघि टस हारेर पहिले ब्याटिङ गरेको घरेलु टोलीले २० ओभरमा ४ विकेट गुमाएर २ सय ५७ रन बनाएको थियो ।

वेस्ट इन्डिजका लागि निकोलस पुरनले २५ बलमा ७५ तथा कप्तान रोभमन पावेलले २५ बलमा ५२ रन बनाए । शेरफन रादरफोर्डले १८ बलमा अविजित ४७ तथा जोनसन चार्ल्सले ३१ बलमा ४० रन बनाए ।

अस्ट्रेलियाका लागि एडम जाम्पाले २ तथा टिम डेविड र एस्टन अगरले समान १/१ विकेट लिए ।

विश्वकपमा अस्ट्रेलिया समूह बी मा तथा वेस्ट इन्डिज समूह सी मा रहेको छ ।





थप समाचार

दीपेन्द्र अहिलेसम्मकै उच्च वरियतामा

काठमाडौं । नेपाली राष्ट्रिय क्रिकेट टोलीका अलराउन्डर दीपेन्द्रसिंह ऐरीले वरियतामा छलाङ मारेका छन् । अन्तराष्ट्रिय क्रिकेट परिषद (आइसीसी)ले जारी गरेको […]

टी-२० विश्वकप : सुपर एटका खेल आजबाट

काठमाडौं । नवौं संस्करणको टी-२० विश्वकपको दोस्रो चरण (सुपर एट) का खेलहरु आज (बुधबबार) बाट सुरु हुदैछ । सुपर एटको […]

रोहितसँग झगडा गरेका तन्जिममाथि आइसीसीको कारबाही

काठमाडौं । बंगलादेशका तीव्र गतिका बलर तान्जिम हसन शाकिबमाथि अन्तराष्ट्रिय क्रिकेट परिषद (आइसीसी) ले कारबाही गरेको छ । आइसीसीले आइतबार […]

तथ्याकंमा नेपालको विश्वकप यात्रा..

काठमाडौं । नेपालले सन् २०१४ पछि दश वर्षको अन्तरालमा सन् २०२४ मा वेस्ट इन्डिज र अमेरिकामा जारी टी-२० विश्वकपमा सहभागीता […]

अफगानिस्तानमाथि वेस्ट इन्डिजको सानदार जित

काठमाडौं । वेस्ट इन्डिजले घरेलु भुमी तथा अमेरिकामा जारी नवौं संस्करणको टी-२० विश्वकपको समूह चरणको अन्तिम खेलमा अफगानिस्तानमाथि सानदार जित […]

वेस्ट इन्डिजले अफगानिस्तानलाई दियो २१९ रनको लक्ष्य

काठमाडौं । वेस्ट इन्डिजले घरेलु भुमी तथा अमेरिकामा जारी नवौं संस्करणको टी-२० विश्वकपको समूह चरणको अन्तिम खेलमा अफगानिस्तानलाई जितका लागि […]