काठमाडौं । इण्डियन प्रिमियर लिग (आइपीएल) अन्तर्गत आज रोयल च्यालेन्जर्स बेंगलुरु र सनराइजर्स हैदराबादबीच खेल हुदै छ ।
हैदराबादको घरेलु मैदान राहुल गान्धी क्रिकेट स्टेडियममा हुने खेल नेपाली समय अनुसार बेलुका पौने ८ बजेदेखि शुरु हुदै छ ।
जारी आइपीएलमा हैदराबादले ७ मध्ये ५ खेल जितेको छ भने २ खेलमा हार व्यहोरे अंक तालिकाको तेस्रो स्थानमा छ । त्यसैगरी बेंगलुरुले अहिलेसम्म खेलेका ८ खेल मध्ये १ खेल मात्र जितेको छ भने ७ खेलमा हार व्यहोरे अंक तालिकाको पुछारमा रहेका छन् ।
आइपीएल ईतिहासमा यि दुई टोलीबीच २४ खेल भएका छन् । हैदराबादले १३ र बेंगलुरुले १० खेल जित्दा १ खेल भने नतिजाबिहिन भएको थियो ।
यस संस्करणमा यि दुई टोलीबीच आज दोस्रो खेल हुदैछ । पहिलो खेलमा हैदराबाद २५ रनले विजयी भएको थियो ।
