काठमाडौं । १७ औं संस्करणको इन्डियन प्रिमियर लिग (आइपीएल) को ४९ औं खेलमा कप्तान ऋतुराज गायकवाडको अर्धशतकको सहयोगमा चेन्नई सुपर किंग्सले पञ्जाब किंग्सलाई जितका लागि १ सय ६३ रनको लक्ष्य दिएको छ ।
घरेलु मैदान एम ए चिदम्बरम क्रिकेट स्टेडियममा जारी खेलमा टस हारेर पहिले ब्याटिङ गरेको चेन्नईले निर्धारित २० ओभरमा ७ विकेट गुमाएर १ सय ६२ रन बनायो ।
चेन्नईका लागि कप्तान ऋतुराज गायकवाडले ४८ बलमा ५ चौका र २ छक्काको सहयोगमा ६२ रनको अर्धशतकीय ईनिङ खेले । अजिंका राहाणेले २४ बलमा २९ तथा समिर रिज्भीले २३ बलमा २१ रन बनाए ।
मोईन अलिले ९ बलमा १५ रन बनाए । महेन्द्रसिंह धोनीले ११ बलमा १४ रन बनाए ।
पञ्जाबका लागि राहुल चाहर र हरप्रित ब्रारले समान दुई दुई तथा अर्शदिप सिंह, कागिसो रबाडाले समान एक एक विकेट लिए ।
