काठमाडौं । चेन्नई सुपर किंग्समाथि १७ औं संस्करणको इन्डियन प्रिमियर लिग(आइपीएल)को ३४ औं खेलमा लखनाउ सुपर जायन्ट्सले जित निकालेको छ ।
लखनाउको घरेलु मैदानमा भएको खेलमा चेन्नई ८ विकेटले पराजित भयो ।
चेन्नईले दिएको १ सय ७७ रनको लक्ष्य लखनाउले १९ औं ओभरको अन्तिम बलमा २ विकेट गुमाएर पुरा गर्यो ।
लखनाउको जितमा कप्तान केएल राहुल र क्विटन डि ककले अर्धशतकीय ईनिङ खेले । कप्तान राहुलले ५३ बलमा ९ चौका र ३ छक्काको सहयोगमा ८२ रन बनाए । ओपनर क्विटन डि ककले ४३ बलमा ५ चौका र १ छक्काको सहयोगमा ५४ रन बनाए । पहिलो विकेटका लागि राहुल र डि ककले १ सय ३४ रनको शतकीय साझेदारी गरे ।
निकोलस पुरनले १२ बलमा ३ चौका र १ छक्काको सहयोगमा अविजित २३ रन बनाए ।
चेन्नईका लागि मथिशा पथिराना र मुस्ताफिजुर रहमानले समान एक एक विकेट लिए ।
त्यसअघि टस हारेर ब्याटिङ गरेको चेन्नईले अलराउन्डर रविन्द्र जडेजाको अर्धशतकको सहयोगमा निर्धारित २० ओभरमा ६ विकेट गुमाएर १ सय ७६ रन बनाएको थियो ।
चेन्नईका लागि जडेजाले ४० बलमा ५ चौका र १ छक्काको सहयोगमा अविजित ५७ रनको अर्धशतकीय ईनिङ खेले । ओपनर अजिंका राहाणेले २४ बलमा ५ चौका र १ छक्काको सहयोगमा ३६ रन बनाए । मोईन अलिले २० बलमा ३ छक्काको सहयोगमा ३० तथा महेन्द्रसिंह धोनीले ९ बलमा ३ चौका र २ छक्काको सहयोगमा अविजित २८ रन बनाए ।
कप्तान ऋतुराज गायकवाडले १३ बलमा १७ रन बनाए ।
लखनाउका लागि कुर्नाल पान्ड्याले दुई तथा मोहसिन खान, एस ठाकुर, रवि बिष्नोइ र मार्कस स्टोईनेसले समान एक एक विकेट लिए ।
छैटौं खेलमा चौथो जितका साथ लखनाउ पाँचौ स्थानमा कायम छ । छैटौं खेलमा तेस्रो हार सहित चेन्नई तेस्रो स्थानमा कायमै छ ।
