नोभेम्बर ११ देखि चिनको संघाईमा आयोजना हुने ‘बि एण्ड आर कप टि-२०’ प्रतियोगिताकको लागि १४ सदस्यीय नेपाली अन्डर-१९ महिला राष्ट्रिय टिमको घोषणा गरिएको छ।
प्रतियोगितामा नेपाल लगायत आयोजक चिन, मलेसिया, म्यानमार, थाईल्याण्ड र साउदी अरब गरि कुल ६ टिमले सहभागिता जनाउने छन्।
प्रतियोगितामा नेपालले आफ्नो पहिलो खेल थाईल्याण्डसंग नोभेम्बर ११ मा खेल्ने तालिका रहेको छ। दोश्रो खेल साउदी अरबसंग नोभेम्बर १२ मा तथा तेश्रो खेल सोहि दिन चिनसंग खेल्नेछ। यस्तै चौथो खेल मलेसियासंग १४ नोभेम्बरमा तथा पाँचौ र अन्तिम खेल म्यानमारसंग १५ नोभेम्बरमा खेल्नेछ। प्रतियोगितामा सहभागिता जनाउन नेपाली टिम नोभेम्बर ८ मा चिन प्रस्थान गर्नेछ।
यस्तो छ १४ सदस्यीय नेपाली टिम
डली भट्ट ( कप्तान ) , कविता कुँवर ( उपकप्तान ) , कृतिका मरासिनी , यसोधा बिस्ट, श्रिस्टि जैसी, राजमती ऐरि, इश्वरी बिस्ट, लक्ष्मी साउद, खुसि डंगोल, गोमा आले, ज्योति दनुवार, निग्मा तामांग, शिला रेग्मी, लाखिता राजबंशी
बैकल्पिक खेलाडी :- हेलिशा लामा गुरुङ , पेम लम्बु शेर्पा, मनिषा राना
प्रशिक्षक : कलाम अलि , व्यवस्थापक – अमृता पौडेल, फिजियो – सकुना दानी
नेपाली टिमको प्रशिक्षण नेपाली राष्ट्रिय टिमका पुर्व खेलाडी कलाम अलिले गर्नेछन्। टिमको छनौट प्रशिक्षक अलि, बिनोद दास र जगत टमाटा रहेको ३ दसस्यीय छनौट समितिले गरेको हो।
