नेपालले एमसीसीसंग लर्ड्समा खेल्ने

नेपाली राष्ट्रिय क्रिकेट टिमले आगामी वर्ष २०२० अगस्टमा इंग्ल्याण्डको मेरिलेबन क्रिकेट क्लब ( एमसीसी ) को भ्रमण गर्ने भएको छ।

विश्वकै प्रतिष्ठित क्लब एमसीसीले आफ्नो ट्वीटरमा पोस्ट गर्दै नेपालले गर्ने भ्रमण बारे जानकारी दिएको हो। एमसीसीले यसै महिना नेपाल भ्रमण गरेको थियो जुन क्रममा काठमाडौँमा नेपाली राष्ट्रिय क्रिकेट टिम तथा नेपाली अन्डर-१९ टिमसंग टि-२०, एकदिवसीय र तिन दिवसीय खेल खेलेको थियो। यस्तै एमसीसीले पोखरामा पोखरा-११ र मुख्यमन्त्रि-११ संग समेत २ वटा टि-२० खेलेको थियो।

एमसीसीका अनुसार नेपाली राष्ट्रिय टिमले २४ अगस्टमा क्रिकेटको मक्का मानिने लर्ड्स मैदानमा खेल खेल्नेछ। खेलको फर्म्याट के हुने बारे एमसीसीले बताएको छैन।

एमसीसीले २०२१ मा पनि नेपालको भ्रमण गर्ने बताएको छ।

गत वर्ष एमसीसीसंग खेल्ने क्रममा एमसीसी कप्तान महेला जयवर्द्धनेसंग पारस खड्का

नेपाली राष्ट्रिय टिमले एमसीसी र नेदरल्याण्डसंग गत वर्ष जुलाईमा त्रिकोणात्मक टि-२० सिरिज खेलेको थियो। त्यसबेला नेपाल र नेदरल्याण्ड बीचको खेल रद्द हुँदा एमसीसीलाई नेपालले ९ विकेटले पराजित गरेको थियो।  नेपालले पहिलो पटक २०१६ मा एमसीसी बिरुद्ध लर्ड्स मैदानमा खेलेको थियो।

सन् १७८७ मा स्थापना भएको एमसीसीले सन् १७८८ देखि क्रिकेटको नियम बनाउदै आएको छ। एमसीसीले बनाउने नियमलाई आईसीसीले मान्यता दिंदै आएको छ।





थप समाचार

आइपीएल : बेंगलुरु र हैदराबाद खेल्दै

काठमाडौं । इण्डियन प्रिमियर लिग (आइपीएल) अन्तर्गत आज रोयल च्यालेन्जर्स बेंगलुरु र सनराइजर्स हैदराबादबीच खेल हुदै छ । हैदराबादको घरेलु […]

वेस्ट इन्डिज ए विरुद्ध खेल्ने नेपाली टोलीको घोषणा

काठमाडौं । शनिबारबाट काठमाडौंमा सुरु हुने वेस्ट इन्डिज ए विरुद्ध को पाँच खेलको टी-२० सिरिजका लागि नेपाली टोलीको घोषणा भएको […]

गुजरातमाथि दिल्लीको रोमान्चक जित

काठमाडौं । १७ औं संस्करणको इन्डियन प्रिमियर लिग(आइपीएल)को ४० औं खेलमा दिल्ली क्यापिटल्सले गुजरात टाइटन्सलाई पराजित गरेको छ । घरेलु […]

दिल्लीले गुजरातलाई दियो २२५ रनको लक्ष्य

काठमाडौं । १७ औं संस्करणको इन्डियन प्रिमियर लिग(आइपीएल)को ४० औं खेलमा दिल्ली क्यापिटल्सले गुजरात टाइटन्सलाई जितका लागि २ सय २५ […]

आइपीएल : दिल्ली र गुजरात भिड्दै

काठमाडौं । इण्डियन प्रिमियर लिग (आइपीएल) अन्तर्गत आज दिल्ली क्यापिटल्स र गुजरात टाइटन्सबीच खेल हुदै छ । दिल्लीको घरेलु मैदान […]

स्टोईनेसको शतकमा चेन्नईमाथि लखनाउको जित

काठमाडौं । १७ औं संस्करणको इन्डियन प्रिमियर लिग(आइपीएल) को ३९ औं खेलमा मार्कस स्टोईनेसको शतक सहयोगमा चेन्नई सुपर किंग्समाथि लखनाउ […]