काठमाडौं । नेपालले टस हारेको छ । नेपाल र क्यानडाबीचकाे दाेस्राे खेलमा क्यानडाले टस जितेर ब्याटिङ रोजेको छ ।
क्यानडाले ब्याटिङ राेजेपछि नेपालले पहिले बलिङ गर्दैछ । क्यानडाविरुद्धको पहिलो खेलमा खेलेका तीन जना खेलाडीलाई बेन्चमा राखिएको छ । ललितनारायण राजवंशी,कुशल भुर्तेल र अारिफ शेख बेन्चमा रहेका छन् ।
आजको खेलमा आकाश चन्द, देव खनाल र अनिल शाहलाई टिममा समेटिएको छ । आकाशको यो डेब्यु खेल हो । आकाश नेपालका लागि ओडिआई खेल्ने ४० औं खेलाडी हुन् ।
अनिल शाहले विकेटकिपिङ पनि गर्ने छन् ।
पहिलो खेलमा कप्तान रोहितकुमार पौडेलको चार विकेटको सहयोगमा नेपालले सात रनको रोमान्चक जित निकालेको थियो । यो खेलमा जितका साथ नेपाल एक खेल अगावै सिरिज जित्न चाहन्छ । क्यानडा पनि जित निकाल्दै सिरिजमा बराबरी गर्न चाहन्छ ।
नेपाल र क्यानडाबीचको अन्तिम खेल तथा तेस्रो खेल १२ फेब्रुअरी अर्थात माघ २९ मा हुनेछ ।
नेपालको प्लेईङ-११ :
आसिफ शेख(विकेटकिपर), अनिल शाह, देव खनाल,भीम सार्की, रोहित पौडेल(कप्तान), पवन सरार्फ, कुशल मल्ल, सोमपाल कामी,रिजन ढकाल, सुर्य तामाङ, आकाश चन्द ।
