काठमाडौं । नेपालले वेस्ट इन्डिज ए सँगको पाँच खेलको टी२० सिरिजको पहिलो खेलमा २ सय ५ रनको लक्ष्य पाएको छ ।
टियु क्रिकेट मैदान कीर्तिपुरमा जारी खेलमा टस हारेर पहिले ब्याटिङ गरेको वेस्ट इन्डिज ए ले निर्धारित २० ओभरमा ५ विकेट गुमाएर २ सय ४ रन बनायो ।
वेस्ट इन्डिजका लागि कप्तान रोस्टन चेजले ४६ बलमा ९ चौका र २ छक्काको सहयोगमा ७४ रनको अर्धशतकीय ईनिङ खेले । ओपनर एलिक अथानाजले २५ बलमा ५ चौका र ३ छक्काको सहयोगमा ४७ रन बनाए ।
केसी कार्टीले २६ बलमा २ चौका र ३ छक्काको सहयोगमा ३८ रन बनाए । आन्द्रे फ्रेल्चरले ५ बलमा २ छक्काको सहयोगमा १३ रन बनाए ।
नेपालका लागि अभिनास बोहोरा, दिपेन्द्रसिंह ऐरी, कमलसिंह ऐरी र कप्तान रोहितकुमार पौडेलले समान एक एक विकेट लिए ।
