नेपालसँग खेल्नु अघि दक्षिण अफ्रिकाको लगातार दोस्रो हार, एक खेल अगावै सिरिज गुमायो

काठमाडौं । वेस्ट इन्डिज र अमेरिकामा संयुक्त रुपमा आयोजना हुने नवौं संस्करणको विश्वकपमा नेपालसँगै एकै समूहमा रहेको दक्षिण अफ्रिका लगातार दोस्रो खेलमा पनि पराजित भएको छ ।

घरेलु टोली वेस्ट इन्डिजसँगको तीन खेलको टी-२० आई सिरिजको दोस्रो खेलमा पाहुना टोली दक्षिण अफ्रिका १६ रनले पराजित भयो । यो हारसँगै वेस्ट इन्डिजले एक खेल अगावै सिरिज जितेको छ ।

वेस्ट इन्डिजले दिएको २ सय ८ रनको लक्ष्य पछ्याएको दक्षिण अफ्रिकाले निर्धारित २० ओभरमा ७ विकेट गुमाएर १ सय ९१ रन मात्र बनायो ।

दक्षिण अफ्रिकाका लागि ओपनर क्विटन डि ककले १७ बलमा ४ चौका र ४ छक्काको सहयोगमा ४१ रन तथा अर्का ओपनर रिजा हेनरिक १८ बलमा २ चौका र ३ छक्काको सहयोगमा ३४ रन बनाए । कप्तान रासि भान डर डुसनले २२ बलमा ३० तथा रायन रिकिन्टोनले १७ बलमा १९ रन बनाए ।

वेस्ट इन्डिजका लागि गुणकेश मोटीले ३ तथा रोस्टन चेज, रोमारियो शेर्फड र अकिल होसेनले समान १/१ विकेट लिए ।

त्यसअघि टस जितेर पहिले ब्याटिङ गरेको वेस्ट इन्डिजले २० ओभरमा ७ विकेट गुमाएर २ सय ७ रन बनाएको थियो ।

वेस्ट इन्डिजका लागि रोस्टन चेजले ३८ बलमा ७ चौका र २ छक्काको सहयोगमा अविजित ६७ रन बनाए । कप्तान ब्रान्डन किंगले २२ बलमा २ चौका र ३ छक्काको सहयोगमा ३६ रन बनाए । कायल मेयर्सले १६ बलमा ३२ तथा आन्द्रे फ्लेचरले १८ बलमा २९ रन बनाए ।

पहिलो खेल दक्षिण अफ्रिकाले २७ रनले गुमाएको थियो । पराजित दक्षिण अफ्रिका आउँदो टि-२० विश्वकपमा नेपाल रहेकै समूहमा रहेको छ । नेपाल र दक्षिण अफ्रिकाबीचको खेल जुन १५ मा हुँदैछ ।





थप समाचार

आयरल्यान्डलाई हराउँदै सुपर आठमा पुग्ने लक्ष्यमा अमेरिका

काठमाडौं । वेस्ट इन्डिज र अमेरिकामा जारी आईसिसी टी–२० विश्वकप क्रिकेट अन्तर्गतको ३० औं खेलमा शुक्रवार अमेरिका र आयरल्यान्डबीच भिड्दै […]

दक्षिण अफ्रिका र नेपाल पहिलो पटक भिड्दै

काठमाडौं । नेपाल र दक्षिण अफ्रिका अन्तर्राष्ट्रिय क्रिकेटको इतिहासमा पहिलो पटक भिड्ने भएका छन् । वेस्ट इन्डिज र अमेरिकामा जारी […]

७ महिना पछि नेपाली जर्सीमा फर्कदै सन्दीप

काठमाडौं । नेपाली राष्ट्रिय पुरुष क्रिकेट टोलीका पुर्व कप्तान तथा लेग स्पिनर सन्दीप लामिछाने ७ महिना १० पछि नेपाली टोलीको […]

दक्षिण अफ्रिकाविरुद्ध नेपाल सम्भावित प्लेईङ-११

काठमाडौं । वेस्ट इन्डिज र अमेरिकामा जारी नवौं संस्करणको टी-२० विश्वकपमा शनिबार बिहान समूह डी मा रहेको नेपालले दक्षिण अफ्रिकाको […]

दक्षिण अफ्रिकाविरुद्ध उमेर समूहको नतिजा दोहोर्याउने लक्ष्यमा नेपाल

काठमाडौं । वेस्ट इन्डिज र अमेरिकामा जारी नवौं संस्करणको टी-२० विश्वकपमा शनिबार बिहान समूह डी मा रहेका नेपाल र दक्षिण […]

पीएनजीलाई हराउँदै अफगानिस्तान सुपर आठमा

काठमाडौं । अफगानिस्तान पपुवा न्यु गिनी (पीएनजी) लाई पराजित गर्दै वेस्ट इन्डिज र अमेरिमा जारी रहेको नवौं संस्करणको टी-२० विश्वकपको […]