पाँचपोखरी क्रिकेट प्रतियोगिता : पाँचपोखरी र ह्याल्मो-११ सेमिफाइनलमा

काठमाडौं । पाँचपोखरी क्रिकेट क्लब र ह्योल्मो-११ ले पाँचपोखरी जिल्लास्तरीय टि२० क्रिकेट प्रतियोगिताको सेमिफाइनलमा स्थान बनाएका छन् ।

आज भएको खेलमा जितसँगै दुवै विजयी टोली समूह विजेता बन्दै सेमिफाइनलमा स्थान पक्का गर्न सफल भए ।

मुलपानी क्रिकेट मैदानमा विजय धितालको उत्कृष्ट प्रदर्शनमा पाँचपोखरीले मेलम्ची नगरपालिकालाई ३ विकेटले हरायो । पहिलो ब्याटिङ गरेको मेलम्ची १७ दशमलब १ ओभरमा मात्र ९६ रनमा अलआउट भएको थियो ।

ओपनर रिन्जिन लामाले २५ रन र सोनु देवकोटाले २६ रन जोड्नुबाहेक अन्यले दोहोरो अंकमा रन जोड्न सकेनन् । प्लेयर अफ द म्याच चुनिएका विजय धितालले ३ दशमलब १ ओभरमा ९ रन खर्चेर ३ विकेट लिए । मनोज खड्काले ३ र सार्थक धितालले २ विकेट लिएका थिए ।

जवाफमा पाँचपोखरीले १९ दशमलब २ ओभरमा ७ विकेट गुमाएर लक्ष्य पूरा गर्यो । ओपनर सार्थक धितालले २०, लाक्पा लामाले २४ र विजय धितालले १४ रन जोडे । रिन्जिन लमा र रामकृष्ण दुलालले २/२ विकेट बाँडे ।

यस नतिजाले पाँचपोखरी समूह बी विजेता तथा मेलम्ची समूह उपविजेता बन्दै सेमिफाइनलमा स्थान बनाउन सफल भयो ।

अर्को खेलमा ह्योल्मो-११ ले भोटेचौर स्पोर्ट्स क्लबमाथि ९ विकेटको जित निकाल्दै समूह विजेता बन्यो । नाम्गिल शेर्पाको उत्कृष्ट ब्याटिङमा ह्योल्मोले १ सय २० रनको लक्ष्य १७ ओभरमा मात्र १ विकेट गुमाएर पूरा गर्यो । प्लेयर अफ द म्याच नाम्गिलले ५६ बलमा ८ चौका र १ छक्कासहित नटआउट ६६ रन जोडे । विनोद तामाङले ३८ बलमा ७ चौकासहित ४३ रन बनाए । त्यसअघि पहिलो इनिङमा भोटेचौरले ९ विकेट गुमाएर १ सय १९ रन जोडेको थियो । ओपनर दुर्गेश थापाले ४२ रन जोडेपनि अन्य ब्याटर बाट राम्रो साथ पाएनन् । ह्योल्मोका फुर्पा शेर्पा, राहुल लामा र दावा सोनाम शेर्पाले २/२ विकेट लिए ।

ह्योल्मो-११ समूह विजेता बन्दा पाँचपोखरी हिमालयन क्रिकेट क्लब उपविजेताको रुपमा सेमिफाइनल प्रवेश गरेको छ ।

शुक्रबार हुने पहिलो सेमिफाइनलमा ९ बजे ह्योल्मो-११ र मेलम्ची नगरपालिका खेल्नेछन् । दोस्रो सेमिफाइनल पाँचपोखरी क्रिकेट क्लब र पाँचपोखरी हिमालयन क्रिकेट क्लबबीच दिउँसो १ बजे हुनेछ । प्रतियोगिता पाँचपोखरी थाङ्गपाल गाउँपालिका खेलकुद विकास समितिको आयोजना तथा सिन्धुपाल्चोक जिल्ला क्रिकेट संघ र पाँचपोखरी क्रिकेट क्लबको प्राविधिक सहयोगमा फागुन १२ गते देखि आयोजना भइरहेको छ ।





थप समाचार

लखनाउमाथि दिल्लीको सहज जित

काठमाडौं । १७ औं संस्करणको इन्डियन प्रिमियर लिग(आइपीएल) को २६ औं खेलमा लखनाउ सुपर जायन्ट्समाथि दिल्ली क्यापिटल्सले जित हात पारेको […]

लखनाउले दिल्लीलाई दियो १६८ रनको लक्ष्य

काठमाडौं । १७ औं संस्करणको इन्डियन प्रिमियर लिग(आइपीएल) को २६ औं खेलमा लखनाउ सुपर जायन्ट्सले दिल्ली क्यापिटल्सलाई १ सय ६८ […]

मलेसियामाथि नेपालको जित

काठमाडौं । एसीसी मेन्स प्रिमियर कपको पहिलो खेलमा मलेसियालाई हराउँदै नेपालले प्रतियोगिताको सुखद सुरुआत गरेको छ । ओमानको मस्कटमा भएको […]

मलेसियाले दियो नेपाललाई १४४ रनको लक्ष्य

काठमाडौं । एसीसी मेन्स प्रिमियर कपको पहिलो खेलमा मलेसियाले नेपाललाई १ सय ४४ रनको लक्ष्य दिएको छ । ओमानका मस्कटमा […]

नेपालले टस हार्यो

काठमाडौं । एसीसी मेन्स प्रिमियर कप २०२४ को पहिलो खेलमा मलेसियाविरुद्ध नेपालले टस हारेको छ । मलेसियाका कप्तान टस जितेर […]

मलेसियाविरुद्ध नेपालको सम्भावित प्लेईङ-११

काठमाडौं । एसीसी मेन्स प्रिमियर कप आज(शुक्रबार)बाट ओमानमा सुरु हुदै छ । दश राष्ट्रको सहभागीता रहेको यस कपको पहिलो दिन […]