काठमाडौं । पाँचपोखरी टी-२० जिल्लास्तरीय क्रिकेट प्रतियोगिताको छैटौँ संस्करण काठमाण्डौको मुलपानीमा सुरु भएको छ ।
शनिबार एक कार्यक्रममका बिच पाँचपोखरी थाङपाल गाउँपालिकाका अध्यक्ष टासी लामाले खेलको उद्घाटन गर्नुभयो । प्रतियोगिताको छैटौँ संस्करण अन्तर्गत मैत्रिपुर्ण उद्घाटन खेलमा जनप्रतिनिधिको टिम बिजयी भएको छ । कर्मचारी र जनप्रतिनिधि बिच भएको रोमान्चक खेलमा कर्मचारीलाई जनप्रतिनिधिले ४ रनले पराजित गरेका थिए ।
यसैबिच प्रतियोगिता अन्तर्गत भएको पहिलो खेलमा गतबर्षको विजेता ह्योल्मो ११ ले चौतारा साँगाचोकगढी नगरपालिकालाई १२७ रनको बिशाल रनले पराजित गरेको छ । ह्योल्मो ११ का लागि खेलको म्यान अफ दी म्याच बिनोद तामाङले ७२ रनको अर्धशतकीय पारी खेलेका थिए । आजै भएको दोश्रो खेलमा इन्द्रावती गाउँपालिकालाई पाँचपोखरी क्रिकेट क्लबले ४ विकेटले पराजित गरेको छ ।
टस जितेर व्याटिङ गरेको इन्द्रावतीले निर्धारित ओभरमा ९ विकेट गुमाएर ९४ रन बनाएको थियो । पाँचपोखरीका लागि विजयकुमार धितालले ४ ओभरमा ११ रन खर्चिएर ३ विकेट हात पारेका थिए । जवाफी व्याटिङ गरेको पाँचपोखरीले १८.२ ओभरमा ६ विकेट गमाएर ९७ रन बनाएको थियो । इन्द्रावतीका लागि शुसन चौलागाई र एकनाथ नेपालले समान २/२ विकेट हात पारेका थिए । खेलको म्यान अफ दि म्याच पाँचपोखरीका विवेक रानामगर भए ।
प्रतियोगित फागुन १९ गते सम्म जारी रहनेछ । प्रतियोगिताको विजेताले नगद १ लाख र उपविजेताले ५० हजार सहित ट्रफि र मेडल प्राप्त गर्नेछन् ।
