पिपिएलमा आज : जित्ने पर्ने खेलमा काठमाडौँ र बिराटनगर बीच प्रतिस्पर्धा

पोखरा प्रिमियर लिग ( पिपिएल ) टि-२० अन्तर्गत शनिवार एक मात्र खेल हुँदैछ जसमा काठमाडौँ गोल्डेन वारियर्स र बिराटनगर टाईटन्सले प्रतिस्पर्धा गर्दैछन्। पोखरा रंगशाला स्थित क्रिकेट मैदानमा हुने खेल ११:३० बजे देखि सुरु हुनेछ।

प्रतियोगिता अन्तर्गत काठमाडौँ अंकतालिकामा ३ खेलमा १ जित र २ हार पछि २ अंक सहित तेश्रो स्थानमा रहेको छ। यस्तै बिराटनगर २ खेलमा १ जित र १ हार पछि २ अंक सहित चौथो स्थानमा रहेको छ। आज जित्ने टिम अंकतालिकाको दोश्रो स्थानमा पुग्नेछ।

बिराटनगर टाईटन्स 

पछिल्लो २ खेलको नतिजा : प्रतियोगिता अन्तर्गत बिराटनगरले पहिलो खेलमा धनगढी ब्लुजसंग ५ रनको हार बेहोरेको थियो। धनगढीले दिएको ११८ रनको लक्ष्य पछ्याउदा बिराटनगरले ११२ रन मात्र बनाउन सकेको थियो। दोश्रो खेलमा भने शानदार पुनरागमन गर्ने क्रममा उसले डिफेन्डिङ च्याम्पियन पोखरा पल्टनलाई ४५ रनले पराजित गर्यो। पहिले ब्याटिंग गर्दै बिराटनगरले १४५ रन बनायो र पोखरालाई १०० रनमै समेट्यो।

लयमा रहेका खेलाडी : बिराटनगरमा रहेका भारतीय खेलाडी पुनित मेहरा राम्रो लयमा रहेका छन्। उनले पोखरा बिरुद्ध जितमा अविजित ६१ रन बनाउन मात्र २६ बलमा ५ चौका र ४ छक्का प्रहार गरेका थिए। यस्तै बलिंगमा समेत १ विकेट लिन उनले ४ ओभरमा मात्र १७ रन खर्चेका थिए।

टिम – प्रदिप ऐरी ( कप्तान ), दिपेश श्रेष्ठ , शाहब आलम , जितेन्द्र मुखिया , राजेश पुलामी , किशोर महतो , पुष्प थापा , प्रदिप ऐरि , राजु रिजाल , सुनिल धमला , दिलिप नाथ, लोकेश बम, विदेशी खेलाडीहरु – पुनित मेहरा, मोहम्मद जायद आलम, नोमन खान

सम्भावित अन्तिम ११ : प्रदिप ऐरी ( कप्तान ) , शाहब आलम , जितेन्द्र मुखिया , राजेश पुलामी , किशोर महतो , राजु रिजाल , सुनिल धमला , लोकेश बम, विदेशी खेलाडीहरु – पुनित मेहरा, मोहम्मद जायद आलम, नोमन खान

काठमाडौँ गोल्डेन वारियर्स 

पछिल्लो ३ खेलको नतिजा : पहिलो खेलमा पोखरा पल्टनसंग पराजित हुने क्रममा काठमाडौँले  दिएको ११६ रनको लक्ष्य पोखराले मात्र १ विकेट गुमाएर पुरा गरेको थियो। दोश्रो खेलमा कथ्मन्दुले दिएको १४१ रनले बुटवल ब्लास्टर्सले ७ विकेट गुमाएर पुरा गर्दा काठमाडौँले लगातार २ खेल हारेको थियो। तेश्रो खेलमा भने कम्ब्याक गर्ने क्रममा काठमाडौँले धनगढी ब्लुजलाई १०६ रनले पराजित गरेको थियो। काठमाडौँले १८५ रन बनाएको थियो र धनगढीलाई ७९ रनमै समेट्न सकेको थियो।

लयमा रहेका खेलाडी : काठमाडौँका कप्तान ज्ञानेन्द्र मल्लले धनगढी ब्लुज बिरुद्ध ३७ बलमै शतक प्रहार गर्दै पिपिएलमै पहिलो शतक बनाउने रेकर्ड राखेका थिए। उक्त इनिंगमा उनले ८ चौका र ९ छक्का प्रहार गर्दै एक्लो दममा खेल जिताएका थिए। मल्ल बाहेक

टिम : ज्ञानेन्द्र मल्ल ( कप्तान ) , अमित श्रेष्ठ, पवन सर्राफ, अमर सिंह रौटेला, बसन्त रेग्मी, आदील खान, पृथु बास्कोटा, सुशन भारि, नन्दन यादब, सुर्य तामांग, जयकिशन कोल्सावाला, गौरभ तोमर र सुबोध भाटी

सम्भावित अन्तिम ११ : ज्ञानेन्द्र मल्ल ( कप्तान ) , अमित श्रेष्ठ, पवन सर्राफ, अमर सिंह रौटेला, बसन्त रेग्मी, आदील खान, सुशन भारि, अमृत भट्टराई, जयकिशन कोल्सावाला, गौरभ तोमर र सुबोध भाटी