१ माघ राजबिराज ।
प्रधानमन्त्री कप राष्ट्रिय क्रिकेट प्रतियोगिताको लागि सप्तरीको राजबिराजमा संचालित प्रदेश स्तरीय महिला क्रिकेट प्रतियोगिता अन्तर्गत दोश्रो दिनको खेलमा सिरहाले महोतरीलाई तथा बाराले सर्लाहीलाई पराजित गरेको छ ।
राज रंगशालामा संचालित पहिलो खेल अन्तर्गत महोतरीले टस जिती पहिलो ब्याटिंग गर्ने निर्णय गर्दै निर्धारित २० ओभरको खेलमा ५ विकेटको नोक्सानीमा १ सय २९ रनको योगफल तयार पारेको थियो । महोतरीका लागि शोभा आलेले ३२ बलमा ५ चौकाको मद्धतले ३८ रन तथा बिमला मगरले २९ बलमा २ चौक्काको मद्धतले २५ रनको योगदान दिएका थिए । बलिंग तर्फ सिरहाका सन्तोषि चौधरी र कविता गौतमले सामान १ विकेट लिएका थिए ।
१ सय ३० रनको बिजयी लक्ष्य लिई मैदानमा ओर्लेको सिरहाले उक्त लक्ष्य सजिलै १ विकेटको नोक्सानीमा प्राप्त गर्यो । सिरहाका लागि आरति चौधरीले प्रतियोगिताकै पहिलो अर्धशतक बनाउदै ४८ बलमा ९ चौका मद्धतले ५२ रनको योगदान दिएका थिए भने आरती चौधरी ५६ बलमा ३२ तथा सरस्वती चौधरी १४ रनमा नटआउट रहेका रहेका थिए । बलिंगतर्फ एक मात्र बिकेट महोतरीका गोमा आलेले प्राप्त गरेका थिए ।
खेलमा उत्कृष्ट ब्याटिंग गरेका सिरहाका अनुराधा चौधरीलाई प्लेयर अफ द म्याच प्रदान गरियो ।
बुधवारनै सम्पन्न एक अर्को खेलमा सर्लाहीले टसजिती पहिलो ब्याटिंग गर्ने निर्णय गर्दै निर्धारित २० ओभरको खेलमा १४ ओभर ४ बलमा सम्पुर्ण बिकेट गुमाई ६९ रनको योगफल तयार पारेको थियो । सर्लाहिका लागि कुनै पनी खेलाडिले दोहोरो अंक छुन सकेका थिएन भने अतिरिक्त रनको रुपमा ४४ रन प्राप्त गरेका थिए । बलिंग तर्फ बाराका साना प्रबिनले उत्कृष्ट बलिंग गर्दै ४ ओभरमा १ मेडन सहित ८ रन दिई ४ विकेट प्राप्त गरेका थिए भने चान्दनी अधिकारीले ४ ओभरमा १४ रन दिई ४ विकेट प्राप्त गरेका थिए ।
७० रनको झिनो लक्ष्य लिई मैदानमा ओर्लेको बाराले उक्त लक्ष्य सजिलै ६ ओभर ४ बलमा बिना बिकेट गुमाई प्राप्त गरेका थिए । बाराका लागि साना प्रबिनले ३० बलमा १ चौक्का सहित २० रनमा नटआउट रहेका थिए भने अतिरिक्तको रुपमा ४६ रन प्राप्त गरेका थिए ।
खेलको म्यान अफ द म्याच बाराका साना प्रबिन भए।
