बर्माको उत्कृष्ट ब्याटिङमा नेपालको विजयी सुरुआत, पहिलो खेलमा हङकङमाथि सहज जित

काठमाडौं । मलेसियामा आजबाट सुरु एसीसी प्रिमियर कप मा नेपालले विजयी सुरुआत गरेको छ ।

आफ्नो पहिलो खेलमा नेपालले हङकङलाई ८ विकेटले पराजित गर्यो ।

हङकङले दिएको ९४ रनको लक्ष्य नेपालले १४ दशमलब १ ओभरमा २ विकेट गुमाएर पूरा गर्यो ।

नेपालका लागि कप्तान ईन्दु बर्माले ३३ बलमा ३ चौका र १ छक्काको सहयोगमा ४० रन बनाईन् । सिता राना मगरले ३८ बलमा अविजित ३६ रन बनाईन् । बर्मा र सिताले दोस्रो विकेटका लागि ७६ रनको साझेदारी गरे । ओपनरको रुपमा मैदान प्रवेश गरेकी कविता कुँवर १२ बलमा ४ रन बनाउँदै आउट भईन् ।

सिताले चौका प्रहार गर्दै खेल सकाएकी थिईन् ।

हङकङका लागि इक्रा सहर र चान बेट्टीले समान एक एक विकेट लिएका थिईन् ।

त्यसअघि मलेसियाको क्वालालम्पुरमा रहेको सेलन्गर ट्रफमा टस हारेर पहिले ब्याटिङ गरेको हङकङले निर्धारित २० ओभरमा ८ विकेट गुमाएर ९३ रन बनायो ।

हङकङका लागि कप्तान चेन क्यारीले ३१ बलमा २१ तथा मायाम बिबिले २० बलमा १९ रन बनाए ।

नेपालका लागि पूजा महतो र रुबिना क्षेत्रीले समान दुई दुई तथा कविता जोशी र रुबिना क्षेत्रीले समान एक एक विकेट लिए ।

सहभागी १६ देशलाई चार समूहमा विभाजन गरिएको छ । नेपालको समूहमा हङकङ, भुटान र माल्दिभ्स रहेका छन् ।

दोस्रो खेलमा ११ फेब्रुअरीमा भुटानको सामना गर्ने नेपालले समूह चरणको अन्तिम खेलमा माल्दिभ्सको सामना गर्नेछ ।

हरेक समूहका शीर्ष दुई टोलीले क्वाटरफाइनलमा स्थान बनाउने छन् । प्रतियोगिताको फाइनल पुग्ने दुई टोलीले एसिया कपमा स्थान बनाउँने छन् ।





थप समाचार

प्रधानमन्त्री कप भक्तपुर छनोट :हिमालय र बिएमसीए विजयी

काठमाडौं । प्रधानमन्त्री कप क्रिकेट प्रतियोगिताको भक्तपुर छनोट खेलमा हिमालय स्पोर्ट्स म्यानेजमेन्ट र बिएमसीए विजयी भएका छन्। मुलपानी मैदानमा जारि […]

एनकासा इन्टर फर्म क्रिकेट : सुब्र , केबिएसआर, अनिश र एपीए विजयी

१२ औं संस्करणको एनकासा इन्टर फर्म क्रिकेट प्रतियोगिता अन्तर्गत दोश्रो दिन सम्पन्न चारवटा खेलहरु सम्पन्न भएका छन्। ललितपुर स्थित पुल्चोक […]

डीएभीलाई अन्तर-स्कुल टि-२० क्रिकेटको उपाधि

काठमाडौँ, डिएभि सुशील केडिया विश्व भारतीय स्कुलले १६ औं सीओएएस अन्तर-स्कुल रनिंग टि-२० क्रिकेट प्रतियोगिता २०८१ को उपाधि जितेको छ। […]

इन्टर-फर्म क्रिकेट : एसएचए र केएएसए युपीबि युथ्स विजयी

१२ औं संस्करणको एनकासा इन्टर फर्म टी २० क्रिकेट प्रतियोगिता आइतबार सुरु भएको छ। ललितपुर स्थित पुल्चोक इन्जिनियरिङ मैदानमा आइतबार […]

प्रधानमन्त्री कप भक्तपुर छनोट : जनप्रेमी र हिमालयन विजयी

काठमाडौं । प्रधानमन्त्री कप क्रिकेट प्रतियोगिताको भक्तपुर छनोट खेलमा जनप्रेमी स्पोर्टस् क्लब र हिमालयन स्पोर्ट्स म्यानेजमेन्ट विजयी भएका छन्। मुलपानी […]

प्रधानमन्त्री कप भक्तपुर छनोट : पासा र बिसीसी विजयी

काठमाडौं । प्रधानमन्त्री कप क्रिकेट प्रतियोगिताको भक्तपुर छनोट खेलमा पासा क्रिकेट एकेडेमी र बिसीसी विजयी भएका छन् । मुलपानी मैदानमा […]