मुम्बईमाथि लखनाउको जित

काठमाडौं । १७ औं संस्करणको इन्डियन प्रिमियर लिग (आइपीएल) को ४८ औं खेलमा मुम्बई इन्डियन्समाथि लखनाउ सुपर जायन्ट्सले जित निकालेको छ ।

घरेलु मैदानमा लखनाउले मुम्बईमाथि ४ विकेटको जित हात पार्यो ।

मुम्बईले दिएको १ सय ४५ रनको लक्ष्य लखनाउले १९ दशमलब २ ओभरमा ६ विकेट गुमाएर पूरा गर्यो ।

लखनाउको जितमा मार्कस स्टोयनिसले ४५ बलमा ७ चौका र २ छक्काको सहयोगमा ६२ रनको अर्धशतकीय ईनिङ खेले । कप्तान केएल राहुलले २२ बलमा २८ तथा दिपक होडाले १८ बलमा १८ रन बनाए । निकोलस पुरनले १४ बलमा अविजित १४ रन बनाए ।

मुम्बईका लागि कप्तान हार्दिक पान्ड्याले दुई तथा जेराल्ड कोट्जे, मोहम्मद नाबी र नुवान तुषाराले समान एक एक विकेट लिए ।

त्यसअघि टस हारेर पहिले ब्याटिङ गरेको मुम्बईले निर्धारित २० ओभरमा ७ विकेट गुमाएर १ सय ४४ रन बनाएको थियो ।

मुम्बईका लागि निहाल बढेराले ४१ बलमा ४ चौका र २ छक्काको सहयोगमा ४६ रनको सर्वाधिक ठूलो ईनिङ खेले । टिम डेबिडले १८ बलमा ३ चौका र १ छक्काको सहयोगमा अविजित ३५ रन बनाए । इशान किशनले ३६ बलमा ३२ तथा सुर्य कुमार यादवले ६ बलमा १० रन बनाए ।

लखनाउका लागि मोहसिन खानले दुई तथा मंयक यादव, नभिन उल हक, मार्कस स्टोनियस र रवि बिष्नोईले समान एक एक विकेट लिए ।

लखनाउ दश खेलमा छ जितका साथ अंक तालिकाको तेस्रो स्थानमा उक्लिएको छ । दश खेलमा सातौं हार व्यहोरेको मुम्बई अंक तालिकाको पुछारबाट दोस्रो स्थानमा छ । यो हारसँगै मुम्बईको अघिल्लो चरण पुग्ने सम्भावना कमजोर बनेको छ ।





थप समाचार

दीपेन्द्र अहिलेसम्मकै उच्च वरियतामा

काठमाडौं । नेपाली राष्ट्रिय क्रिकेट टोलीका अलराउन्डर दीपेन्द्रसिंह ऐरीले वरियतामा छलाङ मारेका छन् । अन्तराष्ट्रिय क्रिकेट परिषद (आइसीसी)ले जारी गरेको […]

टी-२० विश्वकप : सुपर एटका खेल आजबाट

काठमाडौं । नवौं संस्करणको टी-२० विश्वकपको दोस्रो चरण (सुपर एट) का खेलहरु आज (बुधबबार) बाट सुरु हुदैछ । सुपर एटको […]

रोहितसँग झगडा गरेका तन्जिममाथि आइसीसीको कारबाही

काठमाडौं । बंगलादेशका तीव्र गतिका बलर तान्जिम हसन शाकिबमाथि अन्तराष्ट्रिय क्रिकेट परिषद (आइसीसी) ले कारबाही गरेको छ । आइसीसीले आइतबार […]

तथ्याकंमा नेपालको विश्वकप यात्रा..

काठमाडौं । नेपालले सन् २०१४ पछि दश वर्षको अन्तरालमा सन् २०२४ मा वेस्ट इन्डिज र अमेरिकामा जारी टी-२० विश्वकपमा सहभागीता […]

अफगानिस्तानमाथि वेस्ट इन्डिजको सानदार जित

काठमाडौं । वेस्ट इन्डिजले घरेलु भुमी तथा अमेरिकामा जारी नवौं संस्करणको टी-२० विश्वकपको समूह चरणको अन्तिम खेलमा अफगानिस्तानमाथि सानदार जित […]

वेस्ट इन्डिजले अफगानिस्तानलाई दियो २१९ रनको लक्ष्य

काठमाडौं । वेस्ट इन्डिजले घरेलु भुमी तथा अमेरिकामा जारी नवौं संस्करणको टी-२० विश्वकपको समूह चरणको अन्तिम खेलमा अफगानिस्तानलाई जितका लागि […]