काठमाडौं । १७ औं संस्करणको इन्डियन प्रिमियर लिग (आईपीएल) को ६१ औं खेलमा चेन्नई सुपर किंग्सले राजस्थान रोयल्समाथि जित निकालेको छ ।
घरेलु मैदान एम ए चिदम्बरम क्रिकेट स्टेडियममा चेन्नईले ५ विकेटको जित निकालेको हो । यो जितसँगै चेन्नईले प्लेअफ प्रवेश सम्भावना जिवितै राखेको छ ।
राजस्थानले दिएको १ सय ४२ रनको लक्ष्य चेन्नईले १८ दशमलब २ ओभरमा ५ विकेट गुमाएर पूरा गर्यो ।
चेन्नईको जितमा कप्तान ऋतुराज गायकवाडले ४१ बलमा सर्वाधिक ४२ तथा रचिन रविन्द्रले १८ बलमा २७ रन बनाए । ड्यारियल मिचेलले २२ तथा शिभम दुबेले १८ रन बनाए ।
राजस्थानका लागि रविचन्द्रन आश्विनले दुई तथा नान्द्रे बर्गर र युजभेन्द्र चहलले समान एक एक विकेट लिए ।
त्यसअघि टस जितेर पहिला ब्याटिङ गरेको राजस्थानले निर्धारित २० ओभरमा ५ विकेट गुमाएर १ सय ४१ रन बनायो ।
राजस्थानका लागि रियान परागले ३५ बलमा १ चौका र ३ छक्काको सहयोगमा ४७ रन बनाए । धुव्र जुरेलले १८ बलमा १ चौका र २ छक्काको सहयोगमा २८ रन बनाए ।
चेन्नईका लागि सिमरजित सिंहले तीन तथा तुसार देशपान्डेले दुई विकेट लिए ।
१३ खेलमा ७ जित निकालेको चेन्नई तेस्रो स्थानमा छ । पराजित राजस्थान १२ खेलमा १६ अंक सहित दोस्रो स्थानमा कायमै छ ।
