राजुको अर्धशतकमा सुदूरपश्चिम विजयी, सेमिफाइनल समिकरण पुरा

ओपनर राजु रिजालले अर्धशतकी पारि खेल्दा जारि प्रधानमन्त्री कप टि-ट्वान्टी राष्ट्रिय प्रतियोगितामा सुदूरपश्चिमले प्रदेश १ माथि ७ विकेटको जित निकालेको छ । प्रदेश १ को हारसँगै ग्रुप ए बाट दुई विभागी टोलि नेपाल पुलिस क्लब र त्रिभुवन आर्मी क्लब सेमिफाइनलमा प्रवेश गरेका छन् भने ग्रुप बि बाट नेपाल एपीएफ क्लब र बागमती प्रदेशले सेमिफाइनलको यात्रा तय गरिसकेका छन् ।

यसअघि सुदूरपश्चिमले नेपाल पुलिस क्लबसँग २ रन तथा त्रिभुवन आर्मी क्लबसँग ३ विकेटको हार बेहोरेको थियो भने कर्णाली प्रदेशमाथि ४७ रनको जित निकालेको थियो । यस्तै, प्रदेश १ ले भने कर्णालीसँग ३१ रनले पराजित भएको थियो भने त्रिभुवन आर्मी क्लबसँग अंक बाढेको थियो।

कीर्तिपुरस्थित टियु क्रिकेट मैदानमा १५९ रनको विजयी लक्ष्य पछ्याएको सुदूरपश्चिमले ५ बल बाँकी रहदै ३ विकेट गुमाएर पुरा गर्यो । उसका लागि ओपनर राजु रिजालले ५२ बलमा ९ चौका र २ छक्काको मद्धतमा ६८ रन बनाए । यस्तै, अर्का ओपनर सन्तोष भट्टले ४८ तथा अर्जुन साउदले अविजित २६ रनको योगदान दिए ।

ओपनरद्वय राजु रिजाल र सन्तोष भट्टले पहिलो विकेटको लागि ९८ रनको साझेदारी गर्दै सुदूरपश्चिमलाई उत्कृष्ट सुरुवात दिलाए । कप्तान भट्टलाई मुकुन्द यादवले १३ औं ओभरमा फिर्दोस अन्सारीबाट क्याच आउट गराएपछि रिजालले दोस्रो विकेटका लागि खडक बोहोरासँग २६ रनको साझेदारी गरे । बोहोरालाई ८ रनमा फिर्दोस अन्सारीले आउट पारे । १७ औं ओभरमा अर्धशतक बनाएका राजु रिजाललाई कमल खत्रीले एलबीडब्ल्यु धरापमा पारे । त्यसपछि अर्जुन साउद र नारायण जोशीले अविजित ३२ रनको साझेदारी गर्दै सुदूरपश्चिमलाई जितसम्म डोर्याए ।

प्रदेश १ को बलिंगतर्फ कमल खत्री, मुकुन्द यादव र फिर्दोस अन्सारीले समान १ विकेट लिए ।

यसअघि टस जितेर ब्याटिंग रोजेको प्रदेश १ ले निर्धारित २० ओभरमा ९ विकेट गुमाएर १५८ रन बनाएको थियो । उसका लागि मुकुन्द यादवले २७ बलमा सर्वाधिक ३४ तथा सोनु अन्सारीले २६ बलमा ३१ रनको योगदान दिए । यस्तै, मिनास थापा र कप्तान अंकित सुवेदीले समान २३ रन बनाए भने अन्य ब्याट्सम्यानले दोहोरो अंकमा रन बनाउँन सकेनन् ।

ओनरद्वय अंकित सुवेदी र मिनास थापाले पहिलो विकेटको लागि ३० रनको साझेदारी गरे । कप्तान सुवेदीले हेमन्त धामीको पहिलो ओभरमा २ चौका प्रहार गर्दै १० रन तथा कैलाश ऐयरको दोस्रो ओभरमा २ चौका र १ छक्कासहित २३ रन बटुल्दै प्रदेश १ लाई आक्रामक सुरुवात दिलाएका थिए । सुवेदीलाई दोस्रो ओभरमा ऐयरले सन्तोष भट्टबाट क्याच आउट गराए ।

त्यसपछि बिबेक आनन्द मेहताले अर्का ओपनर मिनास थापासँग २६ तथा सोनु अन्सारीसँग तेस्रो विकेटको लागि २७ रनको साझेदारी गरे । अन्तिममा एक किनारबाट लगातार विकेट गएता पनि मुकुन्द यादवले अर्को किनार सम्हाल्दै प्रदेश १ लाई प्रतिस्पर्धात्मक योगफलतर्फ डोर्याएका थिए ।

सुदूरपश्चिमको बलिंगतर्फ हेमन्त धामी ( ४-०-२८-२ ) र नारायान जोशीले ( ४-०-३३-२ ) समान २ विकेट लिए । यस्तै, कैलाश ऐयर, शेर मल्ल, सन्तोष भट्ट र आदित्य मेहताले समान १ विकेट हात पारे ।





थप समाचार

ललितपुर मेयर कप : ललितपुरलाई हराउदै मधेस विजयी

मधेस प्रदेशले यहाँ जारी ललितपुर मेयर कप महिला टी-ट्वान्टी राष्ट्रिय क्रिकेट प्रतियोगितामा आयोजक ललितपुर मेयर्सलाई पराजित गरेको छ । मधेस […]

CAM Premier League: बुद्ध भूमि र चितवन राइनोजको जित, बलरद्वय युवराज र रविन उत्कृष्ट 

काठमाडौं, चैत १४– युवराज मल्लको उत्कृष्ट बलिङ प्रेरित बुद्ध भूमि क्रिकेट क्लबले सोमबार क्याम प्रिमियर लिग क्रिकेट २०२३ मा जित […]

सन्दीपको मुद्दाको सुनुवाइ स्थगित

क्रिकेटर सन्दीप लामिछानेको मुद्दाको सुनुवाइ स्थगित भएको छ । आज (सोमबार) जिल्ला अदालत काठमाडौंका न्यायाधीश माधवप्रसाद घिमिरेको बेन्चमा उक्त मुद्दाको […]

तीन क्रिकेटरलाई तिलोत्तमा नगरपालिकाको सम्मान

सिद्धार्थनगर, चैत्र १२ गते । राष्ट्रिय क्रिकेट टोलीका तीन खेलाडीलाई रुपन्देहीको तिलोत्तमामा नगद पुरस्कारसहित सम्मान गरिएको छ । आइसिसी विश्वकप […]

चितवनमा निर्माणाधिन क्रिकेट रंगशालाको स्वामित्व सरकारले लिन राष्ट्रिय सभामा माग

राष्ट्रियसभा सदस्य खिमलाल देवकोटाले चितवनमा निर्माणाधिन गौतमबुद्ध अन्तर्राष्ट्रिय क्रिकेट रंगशालाको पूर्ण स्वामित्व सरकारले लिनुपर्ने माग गरेका छन् । आइतबारको राष्ट्रियसभा […]

सिता चम्किँदा एपिएफ फाईनलमा

साबिक विजेता एपीएपफ क्लब ललितपुर मेयर्स कप महिला टी–२० राष्ट्रिय क्रिकेट प्रतियोगिताको फाइनलमा प्रवेश गरेको छ । एपीएफ लिग चरणको […]