लेभेन्टको अर्धशतकमा नेपाललाई १८५ रनको लक्ष्य

काठमाडौं । ओपनर माईकल लेभेन्टको अर्धशतकको सहयोगमा नेदरल्यान्ड्सले जितका लागि नेपाललाई १ सय ८५ रनको लक्ष्य दिएको छ ।

टियु क्रिकेट मैदान कीर्तिपुरमा जारी खेलमा टस हारेर पहिले ब्याटिङ गरेको नेदरल्यान्ड्सले निर्धारित २० ओभरमा ४ विकेट गुमाएर १ सय ८४ रन बनायो ।

नेदरल्यान्ड्सका लागि ओपनर माइकल लेभेन्टले ३६ बलमा ५ चौका र ३ छक्काको सहयोगमा ५४ रनको अर्धशतकीय ईनिङ खेले । यसै खेलमा टीट्वान्टी आईमा डेब्यु गरेका उनले ३१ बलमा आफ्नो अर्धशतक पुरा गरेका थिए । डेब्यु खेलमा नै अर्धशतक बनाएका लेभेन्ट नवौं ओभरको पाँचौ बलमा कुशल मल्लको बलमा आउट भए ।

सिब्रान्ड इंगेलब्रेक्टले बलमा रन बनाए । उनले ४ चौका र १ छक्का प्रहार गरे । ३८ बलको सामना गरेका उनी अविजित रहे । कप्तान स्कट एडवार्डले १३ औं ओभरको अन्तिम बलमा आउट हुनु अघि ३३ रन बनाए । १६ बलको सामना गरेका उनले ५ चौका प्रहार गरेका थिए । तेजा निदामानुरुले २४ बलमा ३ चौकाको सहयोगमा ३१ रन बनाए ।

नेपालका लागि करण केसी र कुशल मल्लले समान १ विकेट लिए ।

नेपाली टोलीमा दुई परिवर्तन भएको छ । मंगलबारको खेलमा प्लेईङ-११ मा रहेका अभिनास बोहोरा र विवेककुमार यादव बेन्चमा रहेका छन् । ललितनारायण राजवंशी र प्रतिश जिशीले टोलीमा मौका पाएका छन् ।

नेपालले जुनमा हुने टी-ट्वान्टी विश्वकपको तयारीको सुरुआतको रुपमा यो सिरिजलाई लिएको छ । नामिबिया र नेदरल्यान्ड्स पनि विश्वकप खेल्दैछन् । विश्वकपमा नेपाल र नेदरल्यान्ड्स एकै समूहमा छन् ।

मंगलबार भएको सिरिजको पहिलो खेलमा नेपाल नामिबियासँग २० रनले पराजित भएको थियो । नेदरल्यान्ड्स र नेपालबीचको पछिल्लो पाँच टी(ट्वान्टी आई मा नेपालले तीन खेलमा जित हात पार्दा एकमा हार व्यहोरेको छ ।

फाइनलमा स्थान बनाउँनका लागि यो खेल नेपालका लागि महत्वपुर्ण रहेको छ ।





थप समाचार

नामिबियामाथि स्कटल्यान्डको सहज जित

काठमाडौं । नामिबियामाथि स्कटल्यान्डले विश्वकप लिग टू सिरिज अन्तर्गतको खेलमा सहज जित हात पारेको छ । लिग टू सिरिज अन्तर्गत […]

पहिलो दिन नै खस्यो १३ विकेट

काठमाडौं । वेस्ट ईन्डिज र इंग्ल्याण्डबीचको तेस्रो तथा अन्तिम टेस्टको पहिलो दिनको खेलमा १३ विकेट खसेको छ । पहिलो दिन […]

पाकिस्तानलाई हराउँदै श्रीलंका फाइनलमा

काठमाडौं । श्रीलंकामा जारी एसिया कपको शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो। […]

टिएनपीएल सेप्टेम्बरमा हुने

काठमाडौं । तास्मानियन नेप्लीज क्रिकेट एसोसिएसनको आयोजनामा आगामी सेप्टेम्बरमा तास्मानियन नेप्लिज प्रिमियर लिग (टिएनपीएल) आयोजना हुने भएको छ । आयोजना […]

बंगलादेशलाई हराउँदै भारत नवौं पटक फाइनलमा

काठमाडौं । बंगलादेशलाई पराजित गरि भारत नवौं पटक एसीसी महिला एसिया कपको फाइनलमा प्रवेश गरेको छ । शुक्रबार भएको पहिलो […]

नेदरल्यान्ड्समा भ्रमणका लागि क्यानडाको टोली घोषणा

काठमाडौं । नेदरल्यान्ड्समा हुने  घरेलु टोली, अमेरिका तथा क्यानडा सहभागी रहने विश्वकप लिग टू सिरिज तथा त्रिदेशीय टी-२० सिरिजका लागि […]