श्रीलंकामा नेपाली युवा टिमको पहिलो अभ्यास खेल आज

सेप्टेम्बर ५ देखि १४ सम्म श्रीलंकामा आयोजना हुने अन्डर-१९ एसिया कप खेल्न १० दिन अगावै श्रीलंका पुगेको नेपाली यु-१९ टिमले आज पहिलो अभ्यास खेल खेल्ने तालिका रहेको छ।

नेपाली टिम शनिवार श्रीलंका प्रस्थान गरेको थियो। कोलोम्बोमा नेपाली टिमले आइतबार नेट र फिल्डिंग अभ्यास गर्यो भने सोमबार म्याच सिनारियो अभ्यास गर्यो।

कोलोम्बोमा नेपालले पहिलो अभ्यास खेल सिन्हालिज स्पोर्ट्स क्लबसंग खेल्ने जानकारी विकेटनेपाललाई प्राप्त भएको छ। खेल श्रीलंकाको समय १० बजे हुनेछ ( नेपाली समय १०:१५ बजे )। कोलोम्बोको सिन्हालिज स्पोर्ट्स क्लबको मैदानमा खेलहुनेछ।

वर्षाले खेल नहुने सम्भावना 

कोलोम्बोमा आज लगातार पानि परिरहेकोले आज नेपालको पहिलो अभ्यास खेल प्रभावित हुने देखिएको छ। अहिले पनि कोलोम्बोमा पानि परिरहेको छ भने मौसम पूर्वानुमानका अनुसार दिनभर पानि पर्ने सम्भावना रहेको छ।

श्रीलंकामा नेपालको अभ्यास तालिका 

श्रीलंका शनिवार पुगेपछि व्यस्त भएको नेपाली युवा टिमले बुधबार आराम गर्नेछ। नेपाली टिमलाई अभ्यासमा भारतीय प्रशिक्षक अपुर्भ देसाइले सघाईरहेका छन्।

भारतीय ब्याटिंग कन्सल्टेन्ट अपुर्भ देसाईले श्रीलंकामा नेपाली टिमलाई सघाइरहेका छन्

बिहिबार ( अगस्ट  २९ ) नेपालले बदुरालिया क्रिकेट क्लबसंग दोश्रो अभ्यास खेल खेल्ने तालिका रहेको छ। यस्तै शुक्रबार ( अगस्ट ३० ) टिमले चीला मरियन्स क्लबसंग तेश्रो अभ्यास खेल खेल्नेछ। ३ वटा अभ्यास खेल खेलेपछि टिमले सेप्टेम्बर १ र २ मा नेट र फिल्डिंग अभ्यास गर्ने तालिका रहेको छ।

यु-१९ एसिया कपमा नेपालको खेल तालिका 

प्रतियोगितामा नेपाल समुह ‘बि’ मा रहेको छ जुन समुहमा आयोजक श्रीलंका सहित बंगलादेस र युएई रहेका छन्। यस्तै समुह ‘ए’ मा भारत, अफगानिस्तान, पाकिस्तान र कुवेत रहेका छन्। दुवै समुहमा एक-अर्का बिरुद्ध एक-एक खेल खेलीसकेपछि उत्कृस्ट २ हुने टिम सेमीफाइनल प्रवेश गर्नेछन्।

नेपालले सेप्टेम्बर ६ तारिखमा आयोजक श्रीलंकासंग खेल्दै प्रतियोगिता सुरुवात गर्नेछ। यस्तै सेप्टेम्बर ८ मा बंगलादेशसंग दोश्रो खेल तथा सेप्टेम्बर १० मा युएईसंग तेश्रो खेल खेल्नेछ। सेप्टेम्बर १२ मा सेमीफाइनल र सेप्टेम्बर १४ मा फाइनल खेलिनेछ।

सबै खेल खेल श्रीलंकाको स्थानीय समय ९:३० बजे बिहान अर्थात नेपालको समय ९:४५ बजे सुरु हुनेछ।

१५ सदस्यीय नेपाली टिम :- रोहित पौडेल ( कप्तान )  , रित गौतम , पवन सर्राफ, आसिफ शेख, सन्दिप जोरा, भिम शार्की, हरि बहादुर चौहान, कुशल मल्ल, राशिद खान, कमल सिंह ऐरी, सागर ढकाल, खडक बोहरा, सुर्य तामांग, लोकेश बम , प्रतिस जिसी





थप समाचार

एनकासा इन्टर फर्म टी-२० क्रिकेटमा १३ टिम सहभागी हुने

काठमाडौं। नेपाल चार्टर्ड एकाउन्टेन्ट विधार्थी संगठन (एनसिएएसए) इन्चिट्युट अफ चार्टरड एकाउन्टेन्ट अफ नेपाल (आइक्यान) को स्वतन्त्र विधार्थी संगठनले फागुन पहिलो […]

आस्थालाई पराजित गर्दै प्यारामाउन्टले जित्यो नेसनल हाइस्कुल च्याम्पियनसिपको राष्ट्रिय फाइनल

काठमाडौं। आस्था कलेजलाई पराजित गर्दै प्यारामाउन्ट कलेजले नेसनल हाइस्कुल च्याम्पियनसिप (एनएचसी) को राष्ट्रिय फाइनल जितेको छ। तल्लो मूलपानी मैदानमा शनिबार […]

दिपेन्द्र सिंह ऐरीले डिसिएबाट अर्जुन ट्रफी खेल्ने

नेपाली अलराउण्डर दिपेन्द्र सिंह ऐरीले डिसिएबाट अर्जुन ट्रफी खेल्ने भएका छन् । धनगढीमा जारी प्रतियोगिताको सेमिफाईनल पुगेको डिसिए धनगढीले ऐरीलाई […]

अर्जुन ट्रफीः कुशल भुर्तेलको अलराउण्ड प्रदर्शनमा डडेल्धुरा फाईनलमा

कैलाली, माघ २६ नेपाली राष्ट्रिय क्रिकेट टोलीका सदस्य कुशल भुर्तेल चम्किएपछि फेण्ड्स युथ क्लब डडेल्धुरा क्रिकेटको शहर धनगढीमा भईरहेको अर्जुन […]

ग्रेट हिमालय काठमाडौं छनोटको उपाधि फाइनलमा

काठमाडौँ । ग्रेट हिमालय क्रिकेट एकेडेमी प्रधानमन्त्री कप पुरुष क्रिकेट काठमाडौं जिल्ला छनोटको उपाधि नजिक पुगेको छ। मूलपानीको माथिल्लो क्रिकेट […]

आगामी पाँच वर्षभित्र नेपालले टेस्ट क्रिकेट खेल्छ : आसिफ शेख

काठमाडौँ । नेपाली क्रिकेटको विकास र भविष्यबारे विशेष चर्चा गरिएको नेपाल क्रिकेटस् संघर्षदेखि सफलताको उत्सवसम्म कार्यक्रम बिहिवार राजधानीमा सम्पन्न भएको […]