हङकङसँग पराजित हुँदै नेपालले इमर्जिङ कप पनि गुमायो

काठमाडौं । ओमानमा जारी रहेको एसीसी प्रिमियर कपमा तेस्रो स्थानका लागि भएको खेलमा नेपालमाथी विजयी निकालेर हङकङ एसीसी नेपालले इमर्जिङ टिम्स एसीया कपमा छनोट भएको छ ।

ओमानमा भएको खेलमा हङकङले नेपालमाथि ४ विकेटको जित हात पार्यो ।

नेपालले दिएको १ सय ४० रनको लक्ष्य हङकङले १९ दशमलब ३ ओभरमा ६ विकेट गुमाएर पुरा गर्यो ।

हङकङका लागि ओपनर अशुंमान रथले ५० बलमा ४ चौका र २ छक्काको सहयोगमा अविजित ६५ रनको अर्धशतकीय ईनिङ खेले । बाबर हायातले २५ बलमा २ छक्काको सहयोगमा २६ रन बनाए । अजिज खानले १० बलमा १२ रन बनाए ।

नेपालका लागि सोमपाल कामीले तीन तथा दिपेन्द्रसिंह ऐरीले दुई विकेट लिए ।

त्यसअघि टस जितेर पहिले ब्याटिङ गरेको नेपाल निर्धारित २० ओभरमा ८ विकेट गुमाएर १ सय ३९ रन बनाएको थियो ।

नेपालका लागि दीपेन्द्रसिंह ऐरीले २९ बलमा ४ चौका र ३ छक्काको सहयोगमा ४४ रन बनाए । सन्दीप जोराले २३ बलमा १ चौकाको सहयोगमा २२ तथा कप्तान रोहितकुमार पौडेलले १९ बलमा २ चौकाको सहयोगमा २१ रन बनाए ।

पहिलो ओभरको दोस्रो बलमा नै ओपनर कुशल भुर्तेललाई शुन्य रनमा गुमाएको नेपालका लागि अर्का ओपनर आसिफ शेखले ११ बलमा ५ रन बनाए ।

तेस्रो नम्बरमा ब्याटिङ गर्न आएका सोमपाल कामीले ७ बलमा १२ रन बनाए । कुशल मल्लले १४ बलमा १ छक्काको सहयोगमा १३ रन बनाए ।

हङकङका लागि आयुष शुक्लाले तीन तथा इसान खान, यातिक ईकवाल र यासिन मुर्ताजाले समान १ विकेट लिए ।

प्रतियोगिताको शीर्ष तीनमा रहने टोलीले एसीसी इमर्जिङ्स टिम्स एसिया कपमा स्थान बनाउँने नियम अनुसार फाइनलमा स्थान बनाएका युएई र ओमान सहित यस खेलमा विजयी हङकङले स्थान पक्का गरेको छ ।

इमर्जिङ टिम्स एसिया कपमा भारत, पाकिस्तान, बंगलादेश, श्रीलंका र अफगानिस्तानको ए टोलीसहित प्रिमियर कपका शीर्ष ३ टोलीले सहभागिता जनाउने छन् ।





थप समाचार

नेपालमाथी बंगलादेशको जित, बंगलादेश सुपर एटमा

काठमाडौं । बंगलादेश वेस्ट इन्डिज र अमेरिकामा जारी रहेको टी-२० विश्वकपमा नेपाललाई पराजित गर्दै सुपर एटमा प्रवेश गरेको छ । […]

नेपाली बलिङ सामू चलेन बंगलादेशको ब्याटिङ, १०६ रनमा नै अल आउट

काठमाडौं । नेपाली बलर सामू खुलेर खेल्न नसक्दा बंगलादेश वेस्ट इन्डिज र अमेरिकामा जारी रहेको टी-२० विश्वकपमा बंगलादेश १ सय […]

सन्दीपले पूरा गरे कीर्तिमानी १०० विकेट

काठमाडौं । नेपाली राष्ट्रिय क्रिकेट टोलीका पूर्व कप्तान सन्दीप लामिछानेले टी-२० आईमा कीर्तिमानी १ सय विकेट पूरा गरेका छन् । […]

सन्दीपले मौका पाउँदा करण बेन्चमा

काठमाडौं । बंगलादेशविरुद्धको आइसीसी टी-२० विश्वकपको खेलमा नेपालले गत शनिबार दक्षिण अफ्रिकाविरुद्ध खेलेको टिमबाट एक परिवर्तन गरेको छ । नेपाली […]

नेपालले टस जित्यो, पहिले बलिङ गर्दै

काठमाडौं । वेस्ट इन्डिज र अमेरिकामा जारी रहेको नवौं संस्करणको टी-२० विश्वकपको समूह चरणको अन्तिम खेलमा नेपालले बंगलादेशविरुद्ध पहिले बलिङ […]

बंगलादेशविरुद्ध नेपालको सम्भावित प्लेईङ-११

काठमाडौं । वेस्ट इन्डिज र अमेरिकामा जारी नवौं संस्करणको टी-२० विश्वकपमा समूह डी मा रहेको नेपालले समूह चरणको अन्तिम खेलमा […]