काठमाडौं । ललितपुरमा जारि एघारौं संस्करणको ‘नेपाल चार्टर्ड एकाउन्टेन्ट विद्यार्थी संगठन’ इन्टर फर्म क्रिकेट प्रतियोगिता’ को फाइनल समिकरण पूरा भएको छ ।
पुल्चोक इन्जिनियरिङ मैदानमा जारि प्रतियोगिता अन्तर्गत समूह चरणको खेल सकिए लगत्तै प्रतियोगिताको उपाधीका लागि भिड्ने दुई टोलीको निर्धारण भएको हो ।
प्रतियोगितामा २१ टोलीको सहभागीता रहेको थियो । सहभागी २१ टिमलाई सात समूहमा विभाजन गरिएको थियो । हरेक समूहका शीर्ष टोली र समूह जी को उपविजेता टोलीले अन्तिम आठमा स्थान बनाएको हो ।
आज भएको पहिलो सेमिफाइनल खेलमा एपीए एभेन्जर्सलाई १ विकेटले पराजित गर्दै शंकर अर्यालले फाइनलमा स्थान बनाएको छ । एपीएले दिएको ६२ रनको लक्ष्य ११ दशमलब ३ ओभरमा पूरा गर्दै शंकरले फाइनलमा स्थान बनाएको हो ।
आज नै भएको दोस्रो सेमिफाइनल खेलमा केजे एसोसिएट्सलाई ३५ रन पराजित गर्दै एचबीएले फाइनल यात्रा तय गरेको छ । एचबीएले दिएको १ सय ७० रनको लक्ष्य पछ्याएको केजेले निधारित २० ओभरमा ९ विकेट गुमाएर १ सय ३४ रन मात्र बनाउन सक्यो ।
शंकर र एचबीएबीच बिहीबार फाइनल खेल हुदैछ । नेपाल चार्टर्ड एकाउन्टेन्ट विद्यार्थी संगठनले आयोजना गरेको प्रतियोगिता ९ दिन सम्म चल्नेछ। प्रतियोगितामा कुल २१ टिमको सहभागिता रहेको छ जसलाई ७ समुहमा बिभाजन गरिएको छ।
बिक्रम संवत् २०६० मा स्थापना भएको नेपाल चार्टर्ड एकाउन्टेन्ट विद्यार्थी संगठनले आफ्ना बिभिन्न कार्यक्रम अन्तर्गत नियमित क्रिकेट प्रतियोगिता आयोजना गर्दै आएको छ।
