काठमाडौं । सौजन घिमिरेको अलराउण्ड प्रदर्शनको सहयोगमा कोशी प्रदेशले प्रधानमन्त्री कप राष्ट्रिय क्रिकेट प्रतियोगितामा पहिलो जित निकालेको छ ।
टियु मैदान कीर्तिपुरमा भएको आफ्नो अन्तिम खेलमा कोशीले लुम्बिनी प्रदेशलाई १६ रनले पराजित गरेको छ ।
काेशीले दिएको १ सय ७३ रनको लक्ष्य पछ्याएको लुम्बिनीले ४६ दशमलब ५ ओभरमा अल आउट हुनु पुर्व १ सय ५६ रन बनाएको छ ।
लुम्बिनीका लागि दिल्शाद अलिले ६४ बलमा ३२ रनको सर्वाधिक ठूलो ईनिङ खेले । विराट भण्डारीले ६० बलमा २८ रन बनाए ।
कोशीका लागि सौजन घिमिरेले तीन तथा समिर कार्की, कमल खत्री र अभ्यास तिम्सिनाले समान दुई दुई विकेट लिए ।
त्यसअघि टस हारेर पहिले ब्याटिङ गरेको कोशीले ४४ दशमलब ४ ओभरमा अल आउट हुदै १ सय ७२ रन बनायो ।
कोशीका लागि कप्तान अंकित सुवेदीले ६५ बलमा ४९ रन बनाए । सौजन घिमिरेले ६९ बलमा ४३ तथा मिनाश थापाले १९ बलमा १७ रन बनाए ।
लुम्बिनीका लागि नर सार्कीले चार तथा वीर मगरले तीन विकेट लिए ।
जितसँगै कोशीले नौ खेलमा एक जित हात पारेको छ । पराजित लुम्बिनीले आठ खेलमा एक जित निकालेको छ ।
