तिहारको उपलक्ष्यमा नेपालगन्जमा भएको आइडियल टि–ट्वान्टी क्रिकेट प्रतियोगिताको उपाधि राष्ट्रिय खेलाडी महेश क्षेत्री नेतृत्वको हिमालय वारियर्स जितेको छ ।
शनिवार नेपालगन्जको मंगल प्रसाद उच्च माविको खेल मैदानमा भएको फाइनल खेलमा युनिक स्पोर्टस् क्लवलाई ७ विकेटले पराजित गर्दै उपाधि माथि कब्जा जमाएको हो ।
न्यू स्टार क्लवको आयोजनामा भएको खेलमा टस जितेर पहिला ब्याटिंग गरेको युनिकले निर्धारित ओभरमा ९ विकेट गुमाएर १ सय ७ रन बनाएको थियो । उसका लागी विनायक गीरीले अर्धसतकीय पारि खेले भने रमेश सिंहले २३ रनको योगदन दिए । त्यस्तै हिमालयनका बलर सिद्धान्त राज शाहीले ३ विकेट र अमर सिंह रौटेलाले २ विकेट लिए ।
१ सय ८ रनको विजयी लक्ष्य लिएर मैदानमा उत्रिएको हिमालयन वारियर्सले १२.५ ओभरमा ३ विकेटको नोक्सानीमा उक्त लक्ष्य हासिल गर्दै विजयी भयो । हिमालयन वारियर्सका सुवेन्दु पाण्डेले ४२, सिद्धान्त राज शाही २५ र अनुपम सिंहले १८ रनको योगदन दिए । यूनिक स्पोर्टस क्लबका बलर शिव डांगीले ३ विकेट लिएका थिए ।
हिमालयन वारियर्सका सिद्धान्त राज शाही म्यान आफ दि फाईन घोषित भए । उत्कृष्ट खेलाडिलाइ हिमालय प्रीन्टर्स नेपालगन्जले मोबाइल प्रदान गरेको थियो । प्रतियोगितामा म्यान अफ दि सिरिज सिद्धान्तराज शाहि, वेस्ट ब्याट्सम्यान सुवेन्दु पाण्डे, वेस्ट फिल्डर फारदिन खान र उदयिमान खेलाडी कलीमुद्धीन खान घोषित भएका छन् ।
प्रतियोगिताका बिजयी खेलाडीलाइ प्रमुख अथिती आइडिइल पब्लीकका प्रिन्सिपल अनावर शाह वाँके जिल्ला क्रकेट संघका सल्लाहकारद्धय कृष्ण पुन र दिपक हमालले पुरस्कार तथा प्रमाणपत्र प्रदान गरेका थिए । साथै प्रतियोगितामा उत्कृष्ट प्रदर्शन गर्ने खेलाडीहरुलाइ ४ थान आइरन शिव अटोमोबाइल काठमाडौले प्रदान गरेको थियो