- विकेटनेपाल, मङ्सिर ५ – मंगलबार
थाईल्याण्डमा जारि आईसीसी टि-२० बिश्वकप छनौट ( एसिया ) प्रतियोगिता अन्तर्गत हंगकंगसंगको दोश्रो खेल वर्षाको कारण टस समेत हुन नपाई स्थगित भएपछि नेपालले लगातार दोश्रो खेलमा अंक बाड्नु परेको छ।
यस अघि हिजो सोमबार थाईल्याण्डसंगको खेल पनि दोश्रो इनिंग चल्दै गर्दै वर्षाले सम्भब हुन नसकेपछि दुवै टिमले १-१ अंक बाडेका थिए। टेर्डथाई मैदानमा दुई खेलनै नतिजाबिहिन रहेपछि नेपालको २ खेलमा २ अंक भएको छ।
नेपालले बुधबारको खेलमा युएईको सामना गर्नेछ।
नेपाल सहित आयोजक थाइल्याण्ड, हंगकंग, युएई, मलेसिया र चिन प्रतियोगितामा सहभागी छन्। प्रतियोगिताको बिजेता टिम नेदरल्याण्डमा २०१८ मा आयोजना हुने टि-२० बिश्वकप छनौट खेल्न पाउनेछ।
दुई बलियो टोलि थाइल्याण्ड र हंगकंगसंगको खेल बराबरीमा टुंगिएको अवस्थामा अब नेपालको खेल तुलनात्मक रुपमा नेपाल भन्दा कमजोर मानिएको युएई, मलेसिया र चिनसंग बाँकी रहेको छ।
आजै भएको प्रतियोगिताको अन्य खेलमा मलेसियाले चिनलाई ७ विकेटले पराजित गर्यो र पहिलो जित दर्ता गर्दै अंकतालिकाको दोश्रो स्थानमा उक्लियो। शिर्षस्थानमा रहेको हंगकंगको २ खेलमा १ जित र १ बराबरी सहित ३ अंक रहेको छ। नेपाल २ अंक सहित तेश्रो तथा युएई १ जित सहित २ अंक बटुल्दै नेपालसंगै रहेको छ।
सोमबार आयोजक थाईल्याण्डसंग अंक बाड्नु परेको थियो। थाईल्याण्डले पहिले ब्याटिंग गर्दै दिएको ९१ रनको लक्ष पछ्याउने क्रममा नेपालले विकेट नगुमाई ३.४ ओभरमा १० रन बनाएर ब्याटिंग गर्दा पानि पारेपछि खेल पुनः सुचारु हुन सकेको थिएन।
