रोमान्चक खेलमा ३ रनको जित निकाल्दै बिराटनगरलाई आईपीएल उपाधि

  • विकेटनेपाल, २ माघ- मंगलबार

दोस्रो अण्डर १९ रास्ट्रिय इटहरी प्रिमियर लिग क्रिकेट प्रतियोगिताको उपाधी बिराटनगरले हात पारेको छ। इटहरीमा मंगलबार सम्पन्न भएको रोमान्चक फाइनल खेलमा धनगढीलाइ ३ रनले पराजित गर्दै बिराटनगरले उपाधीसंगै नगद १ लाख पुरस्कार जितेको छ। उपबिजेता धनगढीले ५० हजारमा चित्त बुझाएको छ।

इटहरी स्थित नेपाल डिभिएम स्कूलको पीचमा टस जितेर पहिले ब्याटिङ गरेको बिराटनगरले निर्धारित २० ओभरको खेलमा १ सय १३ रन बनाएको थियो।

बिराटनगरका लागी मिनस थापाले सर्वाधिक २४ रन बनाए भने मुकेश यादवले १८ र अमित यादवले १० रनको योगदान दिएका थिए । बलिङतर्फ धनगढीका सागर भण्डारीले ३ तथा नारायण जोशीले २ विकेट लिए ।

१ सय १४ रनको लक्ष पछ्याउन जवाफी ब्याटिङ गरेको धनगढी निर्धारित २० ओभरमा सबै विकेट गुमाउदै १ सय १० रनमा समेटियो।

धनगढीका लागी नारायण जोशीले सर्वाधिक २७ रन बनाएका थिए भने अजय बिष्टले २० तथा लोकेश बमले १७ रन जोडेका थिए। बलिङतर्फ बिराटनगरका मुकुन्द यादवले ३ तथा दिपेश कंडेल र मिनश थापाले २ विकेट लिए।

प्रतियोगिताकै सर्वोत्कृष्ट खेलाडी बिराटनगरका मिनश थापा घोषित भए।

यस अघि सोमबार सम्पन्न सेमीफाइनल खेलमा बिराटनगरले आयोजक इटहरी क्रिकेट एकडेमीलाई तथा धनगढीले नेपालगंजलाई पराजित गरेको थियो।

पुस २८ गतेदेखी सुरु भएको प्रतियोगितामा आयोजक इटहरी क्रिकेट एकेडेमी, काठमाण्डौ, विराटनगर, नेपालगञ्ज, भैरहवा र धनगढीको सहभागिता रहेको थियो।

समाचार श्रोत – newslaya.com





थप समाचार

नेपालविरुद्ध बंगलादेश : यस्तो छ इतिहास

काठमाडौं । नेपालले वेस्ट इन्डिज र अमेरिकामा जारी रहेको नवौं संस्करणको टी-२० विश्वकपको आफ्नो अन्तिम खेलमा सोमबार बिहान बंगलादेशको सामना […]

बंगलादेशलाई हराएर इतिहास रच्ने लक्ष्यमा नेपाल

काठमाडौं । नेपालले वेस्ट इन्डिज र अमेरिकामा जारी रहेको नवौं संस्करणको टी-२० विश्वकपको आफ्नो अन्तिम खेलमा सोमबार बिहान बंगलादेशको सामना […]

अस्ट्रेलियाले स्कटल्यान्डलाई हराउँदा इंग्ल्यान्ड सुपर एटमा

काठमाडौं । स्कटल्यान्ड अमेरिका तथा वेस्ट इन्डिजमा जारी नवौं संस्करणको टी-२० विश्वकपमा अस्ट्रेलियासँग पराजित हुँदा इंग्ल्यान्डले सुपर एटमा स्थान बनाएको […]

स्कटल्यान्डले दियो अस्ट्रेलियालाई १८१ रनको लक्ष्य

काठमाडौं । स्कटल्यान्डले अमेरिका तथा वेस्ट इन्डिजमा जारी नवौं संस्करणको टी-२० विश्वकपमा अस्ट्रेलियालाई जितका लागि १ सय ८१ रनको लक्ष्य […]

भारत र क्यानडाबीचको खेल रद्द

काठमाडौं । वेस्ट इन्डिज र अमेरिकामा जारी नवौं संस्करणको टी-२० विश्वकप अन्तर्गतको ३३ औं खेल वर्षाका कारण रद्द भएको छ […]

टी-२० विश्वकप : क्यानडा र भारत तथा इंग्ल्यान्ड र नामिबिया खेल्दै

काठमाडौं । वेस्ट इन्डिज र अमेरिकामा जारी आईसिसी टी–२० विश्वकप क्रिकेट अन्तर्गतको ३३ औं खेलमा शनिबार भारत र क्यानडा भिड्दै […]