दोश्रो खेलमा नेपालको कमजोर प्रदर्शन, सिरिज बराबरी

युएईमा नोभेम्बर २२ तारिख देखि आयोजना हुने महिला टि-ट्वान्टी विश्वकप एसिया छनोट प्रतियोगिताको तयारीको लागि बंगलादेशको भ्रमणमा रहेको नेपाली महिला राष्ट्रिय क्रिकेट टिमले ‘बंगबन्धु बंगलादेश कृरा शिक्षा प्रतिष्ठान मैत्रीपूर्ण क्रिकेट सिरिज’ अन्तर्गत दोश्रो खेलमा हार बेहोरेको छ। हारसंगै तिन खेलको टि-२० सिरिज १-१ को बराबरी भएको छ।

बंगलादेश कृरा शिक्षा प्रतिष्ठानको घरेलु मैदानमा सम्पन्न खेलमा नेपालले दिएको ४६ रनको सामान्य लक्ष्य बंगलादेश कृरा शिक्षा प्रतिष्ठानले ५ विकेट क्षेतीमा १२.४ ओभरमै भेटायो।

लक्ष्य पछ्याउने क्रममा सुरुवाती ४ विकेट १३ रनको योगफलमा गुमाएपछि प्रतिष्ठानकि ब्याटर सुमैयाले बोन्यासंग २९ रनको साझेदारी गर्दै जिततर्फ डोर्याईन्। सुमैयाले २१ रन बनाईन्। नेपालको बलिंगमा  कविता कुँवरले २ विकेट ( ४-१-६-२ ) लिन सबनम राई ( ३-०-१६-१ ) र सरस्वति चौधरीले ( २-०-५-१ ) समान एक विकेट लिए।

यस अघि टस जितेर ब्याटिंग गरेको नेपालले १६.३ ओभरमा सम्पूर्ण विकेट गुमाएर ४५ रन मात्र बनाउन सक्यो। नेपालको लागि ज्योति पाण्डे र अप्सरी बेगमले समान १३ रन, सिता राना मगरले ५ र इन्दु बर्माले ४ रन योगदान दिए। बंगलादेश कृराकि बलर मरुफा एक्लैले ४ विकेट लिईन् जुन क्रममा ४ ओभरमा ७ रन मात्र खर्चिन्। रबेयाले २ विकेट ( ४-३-१-२ ) तथा दिशा र शानुले समान एक विकेट लिए।

सिरिज अन्तर्गत पहिलो खेलमा नेपाल २४ रनले विजयी भएको छ। आगामी खेल नोभेम्बर १० तारिखमा खेलिनेछ।

बंगलादेश भ्रमण पछि नेपाली टिम स्वदेश फर्किएपछि नेपाली टिम नोभेम्बर १४ तारिखमा नेपालबाट टि-ट्वान्टी अन्तर्राष्ट्रिय सिरिज खेल्न कतार प्रस्थान गर्ने तालिकाछ। कतारमा नेपालले नोभेम्बर १६, १७ र १८ तारिखमा तिन वटा टि-ट्वान्टी अन्तर्राष्ट्रिय सिरिज खेल्नेछ। नेपाली महिला राष्ट्रिय टिमले खेल्ने उक्त सिरिज पहिलो अन्तर्राष्ट्रिय सिरिज हुनेछ। उक्त सिरिज पछि कतारबाटै टिम युएई प्रस्थान गर्नेछ।

सन् २०२३ को फेब्रुअरीमा दक्षिण अफ्रीकामा आयोजना हुने महिला विश्वकप टि-ट्वान्टी विश्वकपको छनोट अन्तर्गत नेपालले पहिलो खुड्किलोको रुपमा एसिया छनोट खेल्न लागेको हो। प्रतियोगितामा नेपाल सहित आयोजक युएई, भुटान, हंगकंग, मलेसिया र कुवेत गरि ६ टोलि सहभागी छन्। सहभागी ६ टिमले एकअर्का संग एक/एक खेलमा प्रतिस्पर्धा गरेपछि उत्कृस्ट हुने एउटा टिम आगामी वर्ष आयोजना हुने ग्लोबल छनोट प्रतियोगितामा छनोट हुनेछ।

प्रतियोगिताको खेल तालिका अनुसार नेपालले पहिलो खेल नोभेम्बर २२ तारिखमा हंगकंगसंग आईसीसी एकेडेमी मैदान ( २ ) मा खेल्नेछ। यस्तै दोश्रो खेल सोहि मैदानमा नोभेम्बर २३ तारिखमा भुटानसंग, तेश्रो खेल नोभेम्बर २५ तारिखमा कुवेतसंग आईसीसी एकेडेमी मैदान ( १ ) मा, चौंथो खेल मलेसियासंग सोहि मैदानमा नोभेम्बर २६ तारिखमा तथा पाँचौ खेल नोभेम्बर २८ तारिखमा आईसीसी एकेडेमी मैदान ( २ ) मा खेल्नेछ।

नेपाली टिम : रुबिना क्षेत्री ( कप्तान ) , डली भट्ट, सिता राना मगर, करुणा भण्डारी, इन्दु बर्मा, सरिता मगर, ज्योति पाण्डे ( विकेटकिपर ) , सरस्वति चौधरी, काजल श्रेष्ठ ( विकेटकिपर ), सबनम राई, कविता कुँवर, अप्सरी बेगम, कविता जोशी, संगीता राई , प्रशिक्षक : जगत टमाटा





थप समाचार

ग्रीनको अलराउन्ड प्रदर्शनमा अस्ट्रेलियाको जित

काठमाडौं । अलराउन्डर क्यामरन ग्रीनको अलराउन्ड प्रदर्शनको सहयोगमा अस्ट्रेलियाले स्कटल्याण्डसँगको टि ट्वान्टी सिरिज क्लिन स्विप गरेको छ । स्कटल्याण्ड भ्रमणमा […]

स्कटल्यान्डविरुद्धको सिरिज एक खेल अगावै अस्ट्रेलियालाई

काठमाडौं – ३ खेलको टि२० सिरिजका लागि स्कटल्याण्ड भ्रमणमा रहेको अस्ट्रेलियाले एक खेल अगावै सिरिज जितेको छ । दोस्रो टि‌२० […]

अभ्यास खेलमा नेपाल ५ विकेटल पराजित

आईसीसी विश्वकप लिग-२ को तयारीको लागि श्रीलंका भ्रमणमा रहेको नेपाली क्रिकेट टिम तेश्रो एकदिवसीय अभ्यास खेलमा श्रीलंका डेभलपमेन्ट स्क्वाडसंग ५ […]

एनपीएल : ३ करोड ५७ लाखमा पोखरा फ़्रेन्चाइज् बिक्यो

मङ्सिर १५ देखि पुष ६ सम्म आयोजना हुने नेपाल प्रिमियर लिग (एनपीएल)का फ्रेन्चाइज टिम मालिकहरूको टुंगो लागेको छ । नेपाल […]

स्कटल्यान्डमाथि अस्ट्रेलियाको सानदार जित

काठमाडौं । तीन खेलको टि२० सिरिजका लागि स्कटल्यान्ड भ्रमणमा रहेको अस्ट्रेलियाले पहिलो खेलमा सानदार जित हात पारेको छ । स्कटल्यान्डमा […]

भदौ २२ देखि केएफसी टि-टेन कर्पोरेट सिजन-२

काठमाडौं – एरोज सोलुसन प्रा. लि. को स्पोर्ट्स म्यानेजमेन्ट शाखा गेटसेटगेमले आगामी भदौ २२ गतेदेखि काठमाडौंको चुनिखेल, कपनस्थित रोयल स्पोर्ट्स […]