- विकेटनेपाल, २३ पौष- आइतबार
इंग्ल्याण्ड क्रिकेटर एलेस्टर कुकले एसेज शृंखला अन्तर्गत जारि पाँचौ टेस्टमा १२ हजार टेस्ट रन पुरा गरेका छन्।
सिड्नीमा भइरहेको टेस्टमा मात्र १० रन बनाएर आउट हुनु अघि कुकले १२ हजार रन पुरा गर्दै दुर्लभ सफलता हात पार्ने विशिष्ट सुचीमा सचिन तेन्दुलकर, रिकी पोंटिंग, ज्याक कालिस, राहुल द्रविड, कुमार सांगाकारासंगै छैठौं ब्याट्सम्यानको रुपमा उभ्याएका छन्।
कुकले १५२ औं टेस्ट खेल्दा यो सफलता हात पारेका हुन् जुन क्रममा उनले ४६ भन्दा माथिको औशतले ३२ शतक र ५५ अर्धशतक प्रहार गरेका छन्।
तोडे सचिनको बिश्व-कीर्तिमान
सचिन तेन्दुलकरले १२ हजार टेस्ट रन ३५ बर्ष र १७६ रनको उमेरमा पुरा गरेका थिए जुन यस भन्दा अघि त्यति रन पुरा गर्ने सबैभन्दा कम उमेर थियो। एलेस्टर कुकले ३३ बर्ष १३ दिनको उमेरमा १२ हजार रन पुरा गर्दै यो उचाई छुने सबैभन्दा कान्छा ब्याट्सम्यान बन्दै सचिन तेन्दुलकरको बिश्वकिर्तिमान तोडेका छन्।
ब्याट्सम्यान र १२ हजार रन पुरा गर्दाको उमेर
एलेस्टर कुक – ३३ बर्ष १३ दिन
सचिन तेन्दुलकर – ३५ बर्ष १७६ दिन
रिकी पोंटिंग – ३५ बर्ष २१४ दिन
ज्याक कालिस – ३६ बर्ष ३२ दिन
कुमार सांगाकारा – ३७ बर्ष ६८ दिन
राहुल द्रविड – ३७ बर्ष ३३९ दिन
यस्तै एलेस्टर कुक १२ हजार रन पुरा गर्न सबैभन्दा कम समय लगाउने ब्याट्सम्यान पनि बनेका छन्। कुकले मात्र ११ बर्ष ३१२ दिनमै १२ हजार रन पुरा गरेका छन्। दोश्रो स्थानमा कुमार सांगाकाराले १४ बर्ष १६७ दिन, तेश्रो स्थानमा राहुल द्रविडले १४ बर्ष १७९ दिन, रिकी पोंटिंगले १४ बर्ष २२५ दिन, ज्याक कालिसले १५ बर्ष ३३८ दिन तथा सबैभन्दा ढिलो १२ हजार रन पुरा गरेका सचिन तेन्दुलकरले १८ बर्ष ३३७ दिन लगाएका थिए।
सबैभन्दा ढिलो पनि कुक
उमेरको र समयको आधारमा कुक छिटो भए पनि १२ हजार रन पुरा गर्न उनले सबैभन्दा धेरै २७५ इनिंग खेलेका छन्। सबैभन्दा कम इनिंगमा १२ हजार रन पुरा गर्ने ब्याट्सम्यान कुमार संगाकारा हुन् जसले २२४ इनिंगमा यो रन बनाएका थिए। यो लिस्टमा रिकी पोंटिंग र सचिन तेन्दुलकर दोश्रो स्थानमा संगै रहेका छन्, दुवैले २४७ इनिंगमा १२ हजार रन पुरा गरेका थिए।
ब्याट्सम्यान र १२ हजार रन पुरा गर्न खेलेको इनिंग
कुमार सांगाकारा – २२४ इनिंग
रिकी पोंटिंग र सचिन तेन्दुलकर – २४७ इनिंग
ज्याक कालिस – २४९ इनिंग
राहुल द्रविड – २५५ इनिंग
एलेस्टर कुक – २७५ इनिंग
![](https://wicketnepal.com/wp-content/uploads/2018/01/kumar-sangakkara-1421234591.jpg)
कुकले तोड्लान सचिनको रेकर्ड ?
सचिन तेन्दुलकरले टेस्ट करियरमा २०० टेस्टको ३२९ इनिंगमा ५३.७९ को औशतले १५,९२१ रन बनाएका थिए। कुकले अहिलेसम्म १५२ टेस्टमा ४६.३५ को औसतमा १२,००५ रन बनाईसकेका छन्।
कुकको फर्म र फिटनेस यस्तै रहीरहेमा र यदी उनले थप ३-४ बर्ष इंग्ल्यान्डको लागि टेस्ट खेल्ने हो भने पक्कै पनि सचिनको रेकर्ड तोड्न सक्छन्। सचिन तेन्दुलकरको रेकर्ड तोड्न सक्लान नसक्लान समयले बताउनेछ तर १-२ बर्ष मात्रै खेल्ने हो भने रिकी पोंटिंग ( १३, ३३७८ ) को रेकर्ड तोड्न भने उनलाई त्यो भन्दा कम मुस्किल देखिन्छ।
टेस्ट क्रिकेटमा धेरै रन बनाउने ब्याट्सम्यानहरु
खेलाडी | म्याच | पारी | रन |
सचिन तेन्दुलकर | 200 | 329 | 15,921 |
रिकी पोंटिंग | 168 | 287 | 13,378 |
ज्याक कॉलिस | 166 | 280 | 13,289 |
राहुल द्रविड | 164 | 286 | 13,288 |
कुमार संगाकारा | 134 | 233 | 12,400 |
एलेस्टर कुक | 152 | 275 | 12,005 |
सचिन तेन्दुलकर ( भारत ) – १५९२१
रिकी पोंटिंग ( अस्ट्रेलिया ) – १३३७८
ज्याक कालिस ( दक्षिण अफ्रीका ) – १३२८९
राहुल द्रविड ( भारत ) – १३२८८
कुमार संगाकारा ( श्रीलंका ) – १२४००
एलेस्टर कुक ( इंग्ल्यान्ड ) – १२००५
ब्रायन लारा ( वेस्ट इन्डिज ) – ११९५३
शिभ नारायण चन्द्रपाल – ११८५७
महेला जयबर्द्धने ( श्रीलंका ) – ११८१४
एलेन बोर्डर ( अस्ट्रेलिया ) – १११७४
स्टिभ वा ( अस्ट्रेलिया ) – १०९२७
सुनिल गावस्कर ( भारत ) – १०१२२
युनिस खान ( पाकिस्तान ) – १००९९
( फोटो श्रोत– आईसीसी )