- विकेटनेपाल – भैरहवा, १२ माघ
साई ग्लोवल क्रीकेट क्लव भैरहवालाई हराउर्दै एपेक्स क्रीकेट क्लव सकंरनगर रुपन्देही सुपर लिग क्रिकेटको ‘ए’ डिभीजनमा प्रवेश गरेको छ ।
नेपाल टेलीकम जिल्ला स्तरीय सुपर लिग अन्तर्गत बुधवार ‘बि’ डिभीजन अन्तरर्गतका दुई क्लव बिच भएको खेलमा साई ग्लोवललाई ६ विकेटले पराजित गर्दै एपेक्स ए डिभीजनमा उक्लीएको हो ।
टस जितेर ब्याटिंग गरेको साई ग्लोवल निर्धारित ३५ ओभरको खेलमा ३२ दसमलव १ मा अलआउट हुदै १ सय ३१ रनमा समेटीएको थियो । जवाफमा एपेक्सले १८.४ ओभरमा ४ बिकेट गुमाउदै लक्ष पार गर्यो। एपेक्सकालागि प्रनित थापा मगरले ३४, अजय कौसील्याले अविजित २९ रन बनाएका थिए ।
साई ग्लोवलका मोहम्मद हुसेन, सुमोध पौडेल, सोहील पाल र अमीत यादवले १/१ विकेट लिए । साई ग्लोवलकालागि आदीत्य त्रिपाठीले ३२ र मोहम्मद हुसेनले २६ रन बनाए पनि जितका लागि पर्याप्त हुन सकेन। एपेक्सका बसिर अहमद खान, सुजन न्यौपाने, महेन्द्र सुवेदी र रविन्द्र जगं साहीले २/२ तथा अर्जुन बस्यालले १ बिकेट लिएका थिए ।
खेलको म्यान अफ द म्याच यु-१९ रास्ट्रिय क्रिकेटर समेत रहेका एपेक्सका रविन्द्र जगं साही घोषित भए ।
नेपाल टेलिकमको प्रमुख प्रायोजन र बुम रेमिटको सहप्रायोजनमा जारी प्रतियोगिता अन्तरगर्त बिहीबार वेस्टन क्रिकेट क्लव बुटवल र लुम्विनी कसाई क्रीकेट क्लव लुम्विनी बिच प्रतिस्पर्धा हुने आयोजक संस्था रुपन्देही क्रीकेट सघंका अध्यक्ष प्रशान्त बिक्रम मल्लले जानकारी दिए ।
सम्बन्धित :-
- अमीत ढकालले ८ विकेट लिएपछि साई ग्लोबलको सहज विजय
- देबदह ‘ए’ डिभिजनमा उक्लियो
- सुरु हुँदै ‘रुपन्देही सुपर लिग’
