बिराटनगरमा जारि सातौ रास्ट्रिय क्रिकेटको पुरुष क्रिकेटतर्फको स्वर्णपदकको लागि फाइनलमा शशस्त्र प्रहरी बल र त्रिभुवन आर्मी क्लबले प्रतिस्पर्धा गर्नेभएको छ l
बिहिबार सम्पन्न पहिलो सेमीफाइनल खेलमा शशस्त्र प्रहरी बल ( एपीएफ ) ले मध्यमान्चललाई ८ विकेटले पराजित गर्यो l यस्तै दोश्रो सेमीफाइनलमा त्रिभुवन आर्मी क्लबले नेपाल पुलिस क्लबलाई ८ विकेटलेनै पराजित गर्यो l
प्रतियोगिताको फाइनल खेल शुक्रबार १ बजे बैजनाथपुर मैदानमा संचालन हुनेछ भने बिहान ९ बजे नेपाल पुलिस क्लब र मध्यमान्चल तेश्रो स्थानको लागि प्रतिस्पर्धा गर्नेछन् l
एपीएफको सहज जित
एपीएफले मध्यमान्चललाई ८ विकेटले पराजित गर्दै फाइनलमा स्थान बनायो l ( स्कोरकार्ड )
टस जितेर पहिले ब्याटिंग रोजेको मध्यमाञ्चलले पहिले इनिंगमा १७.५ ओभरमा सबै विकेट गुमाउदै ६१ रन मात्रै बनाउन सक्यो l प्रतिउत्तरमा एपीएफले ९.३ ओभरमा लक्ष पुरा गर्यो l
मध्यमान्चलका हरिशंकर शाहले सर्बाधिक २१ रन बनाउनु बाहेक अन्य खेलाडीले दोहोरो अंकमा रन बनाउन सकेनन् l एपीएफ बलर करन केसी र बसन्त रेग्मीले २/२ विकेट हात पारे l
ब्याटिंगतर्फ एपीएफका प्रदिप ऐरीले अविजित ३३ रन बनाए भने पृथु बास्कोटाले अविजित ९ रन l सुबास खकुरेलले २ र आसिफ शेखले ८ रन बनाए l
आर्मी सामु पुलिस कमजोर
बिहिबारनै सम्पन्न दोश्रो सेमिफाइनलमा पुलिस क्लबलाई आर्मीले ८ विकेटलेनै पराजित गर्यो l टस जितेर ब्याटिंग गरेको पुलिसले २० ओभरमा सम्पूर्ण विकेट गुमाउदै १४४ रन बनायो l ( स्कोरकार्ड )
पुलिसको लागि आरिफ शेखले ३५ र दिलिप नाथले ३२ रनको योगदान दिए l सोमपाल कामिले सर्बाधिक ३ तथा बिक्रम सोब र चन्द्र साउदले २/२ विकेट हात पारे l
१४५ रनको लक्ष आर्मीले १८.३ ओभरमा पुरा गर्यो l अनि मण्डलले अविजित सर्बाधिक ६२ तथा सागर पुनले अब्जित ५९ रन बनाए l