Sudurpaschim Province vs Gandaki Province Live



आर्मी र पुलिस क्वाटरफाइनलमा

sunil dhamala

दोश्रो रस्लान कप मंगलबार देखि सुरु भएको छ l टियु मैदानमा उप-रास्ट्रपति नन्दकिशोर पुनले बलिंग गर्दै प्रतियोगिताको उद्घाटन गर्नुभयो l

मंगलबार सम्पन्न २ वटा खेलमा नेपाल पुलिस क्लब र त्रिभुवन आर्मी क्लब बिजयी हुँदै क्वार्टरफाइनल प्रवेश गरेका छन् l

पहिलो खेलमा टस जितेर नेपाल पुलिसले ब्याटिंग गर्दै २० ओभरमा १८३/६ को स्कोर खडा गर्यो l ओपनर द्वय सुनिल धमला र दिलीप नाथले क्रमशः ५४ र २६ रन बनाए l धमलाले ५६ बलमा ३ चौका र २ छक्का प्रहार गरे l  आठौ नम्बरमा ब्याटिंग गरेका कुशल भुर्तेलले आक्रामक अविजित ३३ रन बनाएपछि पुलिसले बिशाल लक्ष बनायो l भुर्तेलले मात्र ११ बलमा ३ छक्का र ३ चौका प्रहार गरे l  ( स्कोरकार्ड )

१८४ रनको लक्ष पछ्याउने क्रममा हिमालयन क्रिकेट एकेडेमीका ओपनर भुपेन्द्र थापाले ७३ रनको इनिंग खेलेपनि अन्य ब्याट्सम्यानहरु चल्न सकेनन् l दिपेन्द्र ऐरीले रन आउट गर्नु अघि थापाले ५९ बलमा ८ चौका र ३ छक्का प्रहार गरे l हिमालयनका अन्य कुनै पनि ब्याट्सम्यानले दोहोरो अंकमा रन बनाउन सकेनन् फलस्वरुप १९.४ ओभरमा १०२ मा सम्पूर्ण विकेट गुमाउदै खेल ८१ रनको बिशाल अन्तरले गुमायो l

पुलिस बलर आरिफ शेख र प्रेम तामांगले समान ३ विकेट तथा दिपेन्द्र ऐरीले २ विकेट लिए l

सुनिल धमला अर्धशतक प्रहार गरेपछि
सुनिल धमला अर्धशतक प्रहार गरेपछि

मुखियाको धारिलो बलिंग 

मंगलबारनै सम्पन्न दोश्रो खेलमा त्रिभुवन आर्मीले न्यु राइजिंग स्टारलाई ९ विकेटले सहजै पराजित गर्यो l ( स्कोरकार्ड )

पहिले ब्याटिंग गरेको न्यु राइजिंगले १८.३ ओभरमा सबै विकेट गुमाई ८७ रन मात्रै बनाउन सक्यो l सुशान्त सिंह थापा र राजबिर शाहीले समान १८ रनको योगदान दिए l

जितेन्द्र मुखियाले ४ तथा सागर पुनले ३ विकेट लिएपछि न्यु राइजिंग निरिह देखिएको थियो l

८८ रनको लक्ष आर्मीले ११.१ ओभरमा पुरा गर्यो l सागर पुनले अविजित ३९ तथा नरेश बुढाएरले अविजित १८ रन बनाए l महेश क्षेत्री २४ रन बनाएर आउट भए l

प्रतियोगिताको बिजेता टोलिले ३ लाख र उपविजेताले २ लाख रुपैया प्राप्त गर्नेछन् l

प्रतियोगिताको खेल तालिका हेर्न क्लिक गर्नुस 





थप समाचार

वर्षाले खेल नतिजाविहिन हुँदा नेपाल र नामिबियाले बाँडे अंक ( अंकतालिका सहित )

आईसीसी विश्वकप लिग-२ अनार्गत नामिबियामा जारि त्रिकोणात्मक एकदिवसीय अन्तर्गत नेपाल र आयोजक नामिबिया बीचको खेल वर्षाले प्रभावित हुँदा नतिजाविहिन टुंगिएको […]

U19 National : आकाशको ह्याट्रिक विकेट, सुदूरपश्चिम फाइनल पुग्दा मधेश प्रदेशको पहिलो जित

सुदूरपश्चिम प्रदेश काठमाडौंमा जारी यू–१९ राष्ट्रिय क्रिकेट प्रतियोगिताको फाइनलमा प्रवेश गरेको छ । मुलपानी क्रिमेट मैदानमा शुक्रबार भएको लिग चरणको […]

ICCWCL2 : टस हारेर नेपाल ब्याटिंग गर्दै, करन बाहिर

नामिबियामा जारि आईसीसी विश्वकप लिग-२ अन्तर्गतको त्रिकोणात्मक सिरिजमा आज नेपाल र नामिबिया प्रतिस्पर्धा गर्दैछन्। विन्ढोक स्थित युनाइटेड क्रिकेट क्लब मैदानमा […]

ICCWCL2 : स्कटल्याण्डद्वारा नामिबिया पराजित

घरेलु टोलि नामिबियालाई ४ विकेटले पराजित गर्दै विश्वकप लिग-२ अन्तर्गत त्रिकोणात्मक सिरिजको पहिलो खेलमा स्कटल्याण्डले विजयी सुरुवात गरेको छ। सिरिजमा […]

U19 National : निर्मलको ५ विकेटमा लुम्बिनीको चौंथो जित, गण्डकी जितमा सुबासको ६ विकेट

अन्डर-१९ राष्ट्रिय प्रतियोगिता अन्तर्गत बिहिबार सम्पन्न दुई खेलमा लुम्बिनी प्रदेश र गण्डकी प्रदेश विजयी भएका छन्। प्रदेश नम्बर-१ लाई ६ […]

नेपाल टि-२० लिगबाट कान्तिपुर गोर्खाज बाहिरियो, लिग फेरी सर्ने

यही डिसेम्बर १२ तारिख ( मङ्सिर २६ गते ) देखि काठमाडौँमा आयोजना हुने नेपाल टि-ट्वान्टी लिगबाट काठमाडौँ गोर्खाज टिमले नाम […]