नेपाली महिला क्रिकेट टिमले नोभेम्बर २६ थाईल्याण्डमा सुरु हुने महिला एसिया कप प्रतियोगिको तयारी आज देखि थालेको छ l
गत महिना महिला बिश्वकप एसिया छनौट प्रतियोगिताको उपविजेता हुँदै महिला एसिया कप खेल्न नेपाली टिम छनौट भएको थियो l एसियन क्रिकेट काउन्सिल द्वारा आयोजना हुने प्रतियोगितामा नेपाल सहित भारत, पाकिस्तान, बंगलादेश, श्रीलंका र आयोजक थाईल्याण्ड सहभागी हुँदैछन् l
नेपाली टिमको प्रशिक्षण राजु बस्नेतनै रहने छन् l बिश्वकप एसिया छनौट प्रतियोगिताकै प्रारम्भिक १८ जनाको टिमलाई बन्दसत्रमा राखेर अभ्यास सुरु गरिएको नेपाल क्रिकेट संघ प्रमुख कार्यसंचालन अधिकृत छुम्बी लामाले विकेटनेपाललाई जानकारी दिएका छन् l अन्तरास्ट्रिय क्रिकेट परिषद ( आईसीसी ) र एसीसीले नेपाली टिमको अभ्यास खर्च बेहोर्ने समेत लामाले जानकारी दिए l
टियु क्रिकेट मैदानमा नेपाली टिमले आज फिटनेसमा समय बितायो र भोलि पनि बिहान ८ देखि १२ बजे सम्म फिटनेसमै समय बिताउनेछ l
नेपाली टिम :- रुबिना क्षेत्री ( कप्तान ), सिता रानामगर, काजोल श्रेष्ठ, सोभा आले, नेरी थापा मगर, निरा राजोपाध्याय, रोशनी बोहरा, सबनम राई, लक्ष्मी चौधरी, संगीता राई, इन्दु बर्मा, ज्योति पाण्डे, सरस्वति चौधरी, अनुराधा चौधरी, रश्मि शर्मा, निर्मला शाही, करुणा भण्डारी र सरिता मगर
टि-२० फर्म्याटमा खेलाइने महिला एसिया कप प्रतियोगितामा नोभेम्बर २६ मा पाकिस्तान संग पहिलो खेल खेल्ने नेपालले त्यसपछि नोभेम्बर २८ मा श्रीलंका, नोभेम्बर २९ मा बंगलादेश र डिसेम्बर २ मा भारत संग प्रतिस्पर्धा गर्नेछ l
राउण्ड रोबिन अन्तर्गत खेलिने प्रतियोगिताको अंक तालिकामा शिर्ष स्थानमा रहने २ टोलि बीच फाईनल खेल डिसेम्बर ४ तारिकमा खेलिनेछ l
यो पनि पढ्नुस :-
