विकेटनेपाल, ७ पुष
पुष ८ गते भोलि शुक्रबारबाट पूर्वान्चलमा सुरु हुने सातौ रास्ट्रिय खेलकुदको क्रिकेटतर्फको खेल भोलि देखिनै सुरुहुने छ l
पुरुष क्रिकेटतर्फ ५ विकास क्षेत्र र ३ विभागीय गरि कुल ८ टिम तथा महिला क्रिकेटतर्फ ५ विकास क्षेत्र र १ विभागीय टोलि गरि कुल ६ टोलिले क्रिकेट विधामा प्रतिस्पर्धा गर्नेछन् l
प्रतियोगिताको पहिलो दिन पुरुषतर्फ पहिलो खेलमा एपीएफ र मध्यपश्चिमाञ्चल तथा दोश्रो खेलमा मध्यमाञ्चल र पूर्वान्चलले प्रतिस्पर्धा गर्नेछन् l यस्तै महिलातर्फ शुक्रबार एपीएफ र मध्यमाञ्चल तथा पूर्वान्चल र पस्चिमान्चल प्रतिस्पर्धा गर्ने तालिका रहेको छ l
पुरुषतर्फ ८ वटा टिमलाई २ समुहमा बिभाजन गरिएको छ l समुह ‘ए’ मा शशस्त्र प्रहरी बल ( एपीएफ ), मध्यपस्चिमाञ्चल विकास क्षेत्र, सुदुरपश्चिमान्चल विकास क्षेत्र र त्रिभुवन आर्मी क्लब रहेका छन् l यस्तै समुह ‘बि’ मा मध्यमाञ्चल विकास क्षेत्र, पूर्वान्चल विकास क्षेत्र र पस्चिमान्चल विकास क्षेत्र र नेपाल पुलिस रहेका छन् l
समुहचरणमा एकै समुहमा रहेका टिमले एकअर्का संग १-१ खेल खेल्नेछन् जसबाट समुहको बिजेता र उपविजेता टोलि सेमीफाइनल पुग्नेछन् l प्रतियोगिताको फाइनल खेल पुष १५ गते संचालन हुनेछ l
यसैगरी महिलातर्फ समुह ‘ए’ मा शशस्त्र प्रहरी बल ( एपीएफ ), मध्यमाञ्चल र सुदुरपश्चिमान्चल रहेका छन् भने समुह ‘बि’ मा पूर्वान्चल , पस्चिमान्चल र मध्यपस्चिमाञ्चल रहेका छन् l
सातौ रास्ट्रिय खेलकुदमा कुल २८ वटा खेलमा प्रतिस्पर्धा हुनेछ जसमा कुल १ हजार १ सय ३७ पदकको लागि ४ हजार २९ जना खेलाडीले प्रतिस्पर्धा गर्नेछन् l प्रतियोगिताको उद्घाटन बिराटनगर रंगशालामा र समापन धारण रंगशालामा हुने कार्यक्रम रहेको छ l
पुरुषतर्फ खेल तालिका l WicketNepal.com
महिला क्रिकेट खेल तालिका l WicketNepal.com
