- विकेटनेपाल भैरहवा, ९ माघ
रुपन्देही क्रिकेट संघको आयोजनामा नेपाल टेलिकम रुपन्देही सुपर लिग क्रिकेट भैरहवामा आज देखि सुरु भएको छ l
भैरहवाको सिद्धार्थ रंगशालामा आयोजित आजको उद्घाटन खेलमा देबदह क्रिकेट युनिटले जवाही क्रिकेट क्लबलाई १९ रनले पराजित गर्दै ‘ए’ डिभिजनमा प्रवेश गरेको छ l
टस जितेर ब्याटिंग गरेको देवदहले निर्धारित ३० ओभरको खेलमा ४ विकेट गुमाउदै १ सय ९४ रनको लक्ष्य प्रस्तुत गरेको थियो । जवाफमा ब्याटिंग गरेको जवही ३० ओभरमा ५ बिकेट गुमाउदै १ सय ७५ रनमा समेटियो।
देवदहका लागी दिपक भण्डारीले ५६, सुमन पाण्डेले ४५, रोसन गौतमले २६ र प्रदिप पाण्डेले २४ रन योगदान दिए। बलिंग तर्फ जवहीका सरोज क्षत्रीले २ तथा सरोज पौडेल, सगंम क्षेत्री र अकींत श्रेष्ठले १/१ बिकेट लिए । सरोज पौडेल ९० र मधुर भण्डारीले १८ रन बनाए पनि जितका लागी जवहीलाई पर्याप्त हुन सकेन । देवहका किर्तीमान ढकाल र कमल चापागाईले २/२ बिकेट लिए ।
देवदहका दिपक भण्डारी म्यान अफ द म्याच घोषीत भए ।
प्रतियोगिता अन्तर्गत भोलि सोमबार नमस्ते नेपाल क्रीकेट क्लव बेलहीया र साई ग्योलोवल क्रीकेट क्लव भैरहवा बिच प्रस्तीपर्धा हुने आयोजक रुपन्देही क्रीकेट कलवका अध्यक्ष प्रसान्त बिक्रम मल्लले जानकारी दिए ।
नेपाल टेलिकमको प्रमुख प्रायोजन र बुम रेमिटको सह-प्रायोजनमा भैरहेको सुपर लिग क्रिकेट प्रतोयोगितामा रुपन्देहीका ७ बटा ‘ए’ डिभिजन क्लब र १२ बटा ‘बि’ डिभीजनका क्लबहरुले भाग लिएका छन् । १२ ‘बि’ डिभिजन क्लबले १८ गते सम्म हुने नक-आउट क्वालिफायर चरण खेल्नुपर्नेछ जसबाट छनौट हुने ५ वटा टिमले सुपर लिग चरणमा प्रतिस्पर्धा गर्न पाउनेछ l
नकआउट क्वालिफायर चरणबाट आएका ५ टोलि सहित जम्मा १२ वटा ‘ए’ डिभिजन टिमलाई ४ वटा समुहमा बिभाजन गरी सुपर लिगमा खेलाईने रुपन्देही क्रिकेट संघका अध्यक्ष प्रशान्त मल्लले विकेटनेपाललाई जानकारी दिएका छन् l
सम्बन्धित :-
